writer1

Mirmehdi Ağaoğlu

Məqalə sayı

559
clock12:24 calendar-gray 19 Aprel 2011 view-gray765 dəfə oxunub
view-gray765 dəfə oxunub

Facebook qüssəsi

Çexovun bir hekayəsi var: “Qüssə”

Oxumayanlara məzmunu yazaq. Çox da böyük hekayə deyil zatən.
Faytonçu İonna Potapov bütün günü müştərilərinə dərdini danışmaq istəyir.

Gənc yaşda oğlu ölüb.

Bir həftə əvvəl ölüb. Əslində o ölməli idi, oğlu yox. “Qəribə işdir;
ölüm qapını dəyişik salmışdır; mənim yanıma gəlmək əvəzinə oğlumun üstünə gedir...”

Birinci müştəriyə danışır. Müştəri soyuqqanlılıqla yalnızca ölüm səbəbini soruşur..

Qızdırmadan ölüb. Cəmi üçcə gün yatıb xəstəxanada. Amma bu müştərinin vecinə deyil.

Növbəti müştərilər oğlu yaşda sərxoş gənclərdilər. Onlar yaşlı faytonçu ilə məzələnirlər. Onlara da maraqlı deyil, oğlanın ölümü.

Əylənməyə gedirlər.

Küçədən keçən minlərlə adamın içində onun dərdini dinləyəcək bircə nəfərdə yoxmu? Yox.

Sinəsi yarılıb qüssəsi çölə tökülsə bütün dünyanı doldurar.

Gecələdiyi yerdə də bir nəfər yoxdur dərdini dinləməyə.

Kimi var ki, qocanın dərdini danışası. Arvadı çoxdan qara torpağa qarışıb. Oğlunu bir həftə əvvəl itirib. Qızı Anisiya isə kənddə qalıb. Tək qalanda isə oğlu haqqında düşünə bilmir, qorxunc və dəhşətlidir.

Kimi var ki, bu böyük şəhərdə?

Bircə atı. At demişkən gedib ata da baxmaq lazımdır.

“Bəli, mənim əzizim madyan at... Kuzma İonıç daha yoxdur...”

Dərdini deməyə bir adam tapa bilməyən qoca dərdini ata nağıl edir.

Nitşe də bir zamanlar dərdini ata söyləmişdi. Ağlamışdı.

Dərdin ola danışmağa adam da tapmayasan.

Dəli kimi dolanasan bütün günü.

Dərdin özündən də ağır dərddir bu.

Dərd adamı düşməninə də danışdırar.

Bir də baxırsan ki, heç salamlaşmağı çox gördüyün birinə bütün dərdini anlatmısan, sirdaş etmisən könlünə.

Sosial şəbəkələr də zatən bunun için deyilmi? Tanımadığın, üzünü belə görmədiyin insanlara bir də baxırsan ki, içini tökmüsən.
Makedonyalı İskəndərin zamanından bu yana dünya çox dəyişdi. İnsanlar əvvəllər dərdlərini quyuya danışırdı.

Keçən yüz ildə ata söyləyirdi dərdini insan.

Günümüzdə balaca bir cihaza söylənir dərdlər.

Facebookda ikicə gün tanıdığım biri dərdini anlatdı mənə. Dərdi böyükmüş, ya kiçik bilmirəm. Öyüd vemək də mənlik deyil. Mən yalnızca qəmxarlıq etdim vəssəlam. Mən olmasaydım başqasını tapacaqdı.

Onu mənlə danışmağa məcbur edən nə idi? Məni ki, tanımırdı?

Üzümü belə görməyib.

Dostluğumuz belə yox. Varsa da facebookda yalnızca “dost” sözündən ibarət. Bilmir, mən nəyəm, nəçiyəm, söz saxlaya bilirəmmi? Sirdaş ola bilərəmmi?

Bunları düşünmədən ilk anda dərdini söylədi mənə. Sonra da yüngülləşdi.

Bəli, yüngülləşdi. Çünki dərd paylaşdıqca azalar.

Onu anlayıram.

Dərdini danışmalı idi onu tanımayan birinə. O məşhur əfsanədə quyuya danışan bərbər kimi. Neyləsin, danışmağa bir sirdaşı da yox. Atı da yox.
REKLAM

Yazarın digər yazıları

Xəbər lenti

“Biz Kann festivalına ermənilərdən əvvəl getmişik” - Nazirlikdən açıqlama
11:01 02 İyul 2020
Kannda erməni biabırçılığı ilə bağlı Nazirliyə suallarım – Sevda Sultanova yazır...
10:37 02 İyul 2020
Dünyaca məşhur roman Azərbaycanda nəşr edildi
10:09 02 İyul 2020
Tağıyev bulağında qətl söhbəti – Ayxan Ayvazın yeni reportajı...
09:00 02 İyul 2020
Dünyanın ən böyük aforizm ustasından əzbərlənəsi 15 nümunə
21:02 01 İyul 2020
Ermitaj muzeyi açılır
18:42 01 İyul 2020
Uşaq arabasına qoşulan fil – Yazıçı Şahmar haqda esse
18:04 01 İyul 2020
"Ulduz"un iyun sayı nəşr edildi
17:12 01 İyul 2020
Röya koronavirus testindən keçib
16:29 01 İyul 2020
ABŞ Film Akademiyası təmsilçilik böhranı yaşayır
16:00 01 İyul 2020
Kinematoqrafçılar İttifaqından Kann Festivalına etiraz məktubu
15:14 01 İyul 2020
Xəyanətə görə boşanan, həkim səhvindən xərçəngə tutulan, son nəfəsdə keçmiş ərini arzulayan aktrisamız – Maraqlı faktlar
14:36 01 İyul 2020
Məşhur amerikalı aktyor vəfat etdi
13:54 01 İyul 2020
Mədəniyyət Nazirliyində yoxlamalar aparılır? - Rəsmi
13:12 01 İyul 2020
Qəpik-quruşa satılan yeni dünya - Şəhla Nihanın hekayəsi
12:38 01 İyul 2020
Yaradıcı gəncliyimizi erməniyə uduzduranlar
12:10 01 İyul 2020
Nazim Hikmətin yeni şeirləri tapıldı - Fotolar
11:34 01 İyul 2020
Əməkdar artist dünyasını dəyişdi
11:08 01 İyul 2020
Bakıya qarşı əyalət nankorluğu
10:51 01 İyul 2020
Bakıda İnstaqram-jurnal fəaliyyətə başladı – İlk dəfə
10:11 01 İyul 2020