writer1

Təranə Fazilqızı

Məqalə sayı

20
clock10:43 calendar-gray 08 Avqust 2017 view-gray253 dəfə oxunub
view-gray253 dəfə oxunub

Azan vaxtı yuvasına yem aparan qarışqa

Kulis.az Təranə Fazilqızının “Azan səsi” essesini təqdim edir.

Yayın qızmar çağıdı. Günəşin hərarəti ətrafı yandırıb yaxır. Yaşıllığa bürünmüş aləm - ağaclar, güllər istidən yanıb qovrulur. Hər səhər bolluca su içsələr də axşam qurumuş torpağın çatları susuzluqdan fəryad edir. Bağda daldalanmağa yer axtaran tənbəl pişik, qoçaq it də bu günlərdə istidən ləhləyir. Qərar tutmayan, kölgəlik axtaran heyvanlar sərələndikləri yerdə şil-küt uzanıb qalırlar. Günəşin istisi onları qaraladığından iştahdan küsüblər. Ərköyün uşaq kimi yeməkdən, içməkdən qismən də olsa imtina ediblər.

Bircə mən günün qızmar çağında ağacların əhatəsində gəzməyi sevirəm. Hər ağacla, güllə danışıram. Elə bilirəm gəlişimi, varlığımı hiss edib sevinirlər. Bağda olmayanda yoxluğumdan darıxırlar. Bəzən qürub çağı səssizliyin axarında bir kənara çəkilib sükutu dinləyirəm. Göyərçinlərin qəfil uçuşu səmada səs salıb məni xəyallardan ayırır. İt səs gələn tərəfə qaçıb bir-iki ağız hürür. Qonşu həyətdə xoruz bivaxt banlayır. Bu arada samovar tüstüsü gözümü acışdırsa da, qoxusu könlümə xoş ovqat verir.

Həyətdə badam, əncir, armud ağacında meyvələr bol olsa da, arılar gavalı ağacında şanı qoyub. Nizamı pozmayan işlək arılar dəhşətli istidə daha çevik olurlar. Gavalıdan şirə çəkib şanının içini doldurmaları başqa bir aləmdi. Ağacın budaqları meyvə bolluğundan aşağı endiyi üçün qərara aldım ki, meyvələri dərim, budaq da rahatlasın. Nə qədər sakit dərsəm də arıların qəzəbinə elə tuş gəldim ki, gəl görəsən. Qoşunla üstümə cumdular. Hə yayınsam da, azı dördünün qənimi oldum. Məni dişləyib aradan çıxdılar. Bir anda biləklərim şişib qızarsa da, məqsədimdən dönmədim. Bir az da təkidlə bircə budaq saxlamaqla meyvələrin əksərini yığdım. Ağırlıqdan qurtulmuş ağac yarpaqlarını xəfifcə tərpədərək mənə təşəkkür edirdi...

Qumluqda təpəcik yaradan, sağa-sola şütüyən qarışqalar qış ehtiyatı görürlər. Özündən ağır yemi çəkib apara bilməyən qarışqa sağa-sola var gəl edir. Bir an duruxub dayanır. Elə bil dostlarını köməyə çağırır. Bu an qarışqaya digərləri yaxınlaşıb kömək edir. Qabaq ayaqlarını irəli verib yemi itələyir, yuvaya aparırlar. Yem böyük olduqda onu bölüb hissə-hissə hey yuvalarına daşıyırlar.

Onları izləməkdən yorulub eyvana keçirəm. Qürub edən günəşin son şəfəqlərini izləyirəm. Yarpaq belə tərpənmir bu gözəllikdə. Zaman yorğunmuş kimi sükutdan dincini alır. Elə bu an azan səsi ətrafı bürüyür. Namaz vaxtının başlandığını xəbər verən bu sehrli səs məni ağuşuna alıb göylərə aparır...

21 iyul 2017

REKLAM

Yazarın digər yazıları

Xəbər lenti

"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020
Berqmanın filmi əsasında serial çəkilir
16:39 10 İyul 2020
Azərbaycanlı müğənni koronavirusdan sağaldı
15:50 10 İyul 2020
Əliağa Vahidi ölümdən qurtaran dostu - Maraqlı faktlar
15:07 10 İyul 2020
Dördbucaqlı qətl hadisəsi – Əli Şirin Şükürlü yazır
14:20 10 İyul 2020
“Çəkməli pişik” onlayn göstəriləcək
13:39 10 İyul 2020
"Heç yerə çıxarda bilmirik" - Vaqif Bayatlıdan xəbər var
12:52 10 İyul 2020
Süni şöhrətə qaçan gənc şair və Allahın “cangüdənləri” – Sərdar Amin yazır...
12:15 10 İyul 2020
Tarık Akanın heç yerdə bilinməyən söhbəti
11:12 10 İyul 2020
Səni sevən öldü, zalım – Səhər Əhməd yazır...
10:35 10 İyul 2020
Notr-Dam kilsəsi yenidən bərpa ediləcək
10:01 10 İyul 2020
Dodağının altında məni söyüb qarğıyırdı - Bircənin romanı
09:00 10 İyul 2020
Xalq artistinin oğlu vəfat etdi
01:53 10 İyul 2020
Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020