writer1

Ayxan Ayvaz

Məqalə sayı

528
clock09:42 calendar-gray 19 İyun 2017 view-gray265 dəfə oxunub
view-gray265 dəfə oxunub

Atamın son anları

Kulis.az yazıçı Ayxan Ayvazın “Atalar günü” münasibəti ilə yazdığı kiçik xatirəni təqdim edir.

Biz onda Razində kirayədə qalırdıq. Həmin gün atam qardaşımla Şabanın filminə baxırdı. Keçdim otağıma, internetə girdim. Bir az keçməmiş atam qapımı açdı və soruşdu ki, nə işlə məşğulsan? Dedim ki, Rafiq Tağı ilə danışıram. Salam göndərdi, dedi, yat sabah dərsə gedəcəksən. Gec yatan idim, təzəcə yerimin içində yuxuya getmişdim ki, qapı açıldı və anam tələsə-tələsə dedi ki, dədənə nəsə olub.

Onlar yerdən döşək salıb yatırdılar. Ayvazı görəndə sancılandım elə bil, o isə mənə baxıb gülümsündü. Tualetə getmək istəyib, qalxanda başı yavaşca divara dəyib. Tez-tez başını göstərir, mızıldayırdı. Ayaqları tutulmuşdu. Anamla köməkləşib qaldırdıq, ayaqda dura bilmədi. Sonra termosu gətirib isti suyu ayağına tökdüm, heç nə hiss eləmədi. Qəfil böyrümdə anam hıçqırdı, insult keçirib dedi. Qışqırdım üstünə, dedim, axmaq-axmaq danışma. Düşünmüşdüm ki, yəqin içib, çünki anamın gətirdiyi ləyənə qaytardı. Sevindim əslində onun qaytarmağına.

Sonra bacım gəldi, gözlərini ovxalaya-ovxalaya. Onu yanına çağırdı və belə dedi: “Mən gedirəm, sağ ol”. Anam yenə ağladı, dümsüklədim ki, bacımı qorxutmasın, heç nə olmayıb. Birdən atam çay istədi, bacıma dedi ki, get gətir. Gecə saat dörd, ya beş olardı. Mənə baxıb güldü, bunları yazarsan dedi, gözüm doldu, tez üzümü başqa tərəfə çevirdim. Bu vaxt bacım əlində çay içəri girdi. Mən onun dirsəklənməsi üçün kömək etdim, anam stəkanı ağzına yaxınlaşdırdı. Bir-iki qurtum içib gözlərini açıb-bağladı. Gedib təcili yardıma zəng vurdum.

Atam nəsə danışmağa başladı. Əvvəl bir az başa düşülürdü. Təxminən belə: “Mən istədim durum ayağa...” Sonrakı sözlər yarımçıq, yeyilmiş, rabitəsiz oldu. Axır-axırda həkim gələndə ümumiyyətlə, nə dediyini anlaya bilmədik. Qardaşım da oyanmışdı onda. Köməkləşib aşağı düşürtdük, təcili yardım maşınına qoyanda əlimdən tutdu. Həkim dedi ki, insultdu, amma qorxma, ölməyib.

REKLAM

Yazarın digər yazıları

Xəbər lenti

Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021