Böyük Britaniya muzeylərinə giriş ödənişsiz olacaq

Media

Ana səhifə
Media

Böyük Britaniya muzeylərinə giriş ödənişsiz olacaq

29 sentyabr 2026

17:00

Böyük Britaniya hökuməti aylardır davam edən müzakirələrə son qoyaraq ölkənin milli muzeylərinə girişin xarici turistlər də daxil olmaqla hamı üçün ödənişsiz qalacağını açıqlayıb.

Kulis.az xəbər verir ki, Böyük Britaniyanın Mədəniyyət naziri Liza Nandi Mədəniyyət, Media və İdman Departamenti tərəfindən maliyyələşdirilən 15 milli müəssisədə pulsuz giriş siyasətinin daimi olaraq saxlanılacağını təsdiqləyib.

Daha əvvəl xarici ziyarətçilərdən giriş haqqının alınması təklifinə London meriyası və muzey rəhbərləri qarşı çıxmışdı.

Statistik göstəricilərə görə, 2001-ci ildən tətbiq edilən ödənişsiz giriş siyasəti sayəsində milli muzeylərin illik ziyarətçi sayı 22,8 milyondan 44,7 milyona yüksəlib.

Qeyd edək ki, Böyük Britaniyadan fərqli olaraq, Fransada Luvr muzeyi və Versal sarayı Avropa İttifaqı xaricindən gələn turistlər üçün giriş qiymətlərini 45 faiz artırıb.