Türkiyə və İtaliya arasında əməkdaşlıq – Arxeoloji tapıntıların müzakirəsi

Media

Ana səhifə
Media

Türkiyə və İtaliya arasında əməkdaşlıq – Arxeoloji tapıntıların müzakirəsi

29 sentyabr 2026

16:30

İstanbul İtaliya Mədəniyyət Mərkəzi və Ankara İtaliya Səfirliyinin dəstəyi, Pamukkale Universitetinin təşkilatçılığı ilə oktyabrın 13–14 tarixlərində Denizlidə 17-ci İtaliya Mədəniyyət Mərkəzi Arxeologiya Simpoziumu təşkil olunacaq.

Kulis.az xəbər verir ki, "Kəşflər, üsullar və əməkdaşlıq" başlığı altında keçirilən tədbirdə Türkiyə və İtaliya arxeoloqlarının birgə yürütdüyü qazıntı işləri və ən son arxeoloji tapıntılar müzakirə ediləcək.

Proqram oktyabrın 13-ü axşamı İyerapolis Antik Teatrında təşkil olunacaq xüsusi konsertlə start götürəcək.

Simpoziumun akademik hissəsində isə Arslantəpə, Karkamış, Kültəpə, Hattuşa, Tripolis və İyerapolis kimi mühüm arxeoloji məkanlarda aparılan tədqiqatlar qiymətləndiriləcək.

Qeyd edək ki, ictimaiyyətə açıq və ödənişsiz keçiriləcək tədbirin yekun materiallarının kitab halında nəşr olunması və videoyazılarının İtalyan Mədəniyyət Mərkəzinin "YouTube" kanalında yerləşdirilməsi planlaşdırılır.