Kulis.az Rasim Qaracanın yeni şeirini təqdim edir.
***
Səninlə bir evimiz olar
Ortasında bir miz olar
Sadəcə ikimiz oluruq
Və qarşımızda dəniz
Çox romantik olmasın
Eyvanı dik olmasın
Antik olmasın
Balaca bir ev
Ağacında quş yuvası
Ocağında tavası
Birbaşa tavaya yumurtlasın quş
Nağıllarda belə olurmuş
Ancaq nağıl olmasın həyatımız
İçində divlər olmasın
Divarı olmasın
Çəpərsiz olsun həyətimiz
Qonaq gəlsə külək bizə
Şapkamı atsa dənizə
Gülək bir az
Sular gəlsə qapımıza
Uzun olsun gecə uzun
Balkona sallansın üzüm
Göydəki bir ulduzun
Sözü olsun aramızda
Həyat beləcə keçsin belə
Al qoynuna məni bələ
Sənə çox sözüm var hələ
Sevgidir yoxsa bu nədir belə...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər