writer1

Şərif Ağayar

Məqalə sayı

550
clock12:30 calendar-gray 10 Mart 2017 view-gray295 dəfə oxunub
view-gray295 dəfə oxunub

Şekspirsiz Azərbaycan teatrı

Bu gün Milli Teatr Günüdür.

Azərbaycan teatrı deyəndə təsəvvürümüzdə nə canlanır və ümumiyyətlə belə bir ifadə varmı?

Məncə, həm var, həm yoxdur.

Durub desək ki, Azərbaycanda teatr yoxdur - əlbəttə ki, yalan olar.

Durub desək ki, dünyada “Azərbaycan teatrı” adlı məşhur bir istilah var – bu da yalan olar.

Bizim özümüzə görə teatrımız var.

Necə ki, özümüzə görə futbolumuz, təhsilimiz, səhiyyəmiz, musiqimiz, ədəbiyyatımız var.

Başqa sahələrdə necəyiksə, teatrda da o cürük.

Həmişə deyilib, bir də deyək: cəmiyyətə əlahiddə inkişaf eləmiş sahələr olmur.

Əgər varsa, bu, süni şəkildə, ayrıca diqqət və qayğının nəticəsi kimi müvəqqəti ortaya çıxır.

Ona görə də ölkəni bu cür “yalançı” sahələrlə simvolizə etmək ilk başdan özümüzü aldatmaqdır.

Cəmiyyət tərəqqi edəndə hər sahədə edir.

Bəzən görürsən ki, kimsə işini-gücünü atıb yapışır teatrın yaxasından: sən niyə dünya səviyyəli deyilsən?

İstəyirsən cavab verəsən: sən özün dünya səviyyəli tamaşaçısan ki?

Xeyir ola, sən Orta Əsrlərdə qalmalısan, mən XXI əsrəcən tərəqqi etməliyəm?

Qədirşünas xalqımızın bu mövzuda gözəl bir deyimi var: axsaq atın kor nalbəndi...

Amma ümumi problemlərimizin içində çox ciddi özəlliklərimiz də var ki, teatrımız bu sahədə, maşallah öndə gedir.

İntriqalar, yalanlar, ambisiyalar, məqam və nüfuz davaları və s.

Hamısı da gözümüzün qarşısında.

Teatrın özü bir səhnəyə çevrilib.

Səhnə içində səhnə.

Hətta, bəlkə səhnə üstündə səhnə.

Sizi bilmirəm, mən bu bayram günü çox da dərinə getmədən, Azərbaycan teatrının qurtuluşunu onun azadlığında görürəm.

Özünün özündən azadlığında!

Nə qədərə ki, teatr ona aidiyatı olmadan onu idarə edənlərin mütləq nüfuz dairəsindədir ümumi tərəqqidən söhbət gedə bilməz.

Şekspiri yada salaq.

O, “Hamlet” faciəsində teatrı bizə necə təqdim edir?

Hamlet qatil əmisinin psixologiyasına təsir edib həqiqəti ortalığa çıxarmaq üçün tamaşa qurur, həyatdakı oyun səhnədəki oyunla toqquşaraq çiliklənir, maska yırtılır.

Bizim teatrsa heç öz içindəki həqiqətləri ortaya çıxarmaq gücündə deyil, nəinki kənardakı, daha geniş sferalardakı...

Çünki o, ələbaxandır və onu yaşadanların istəyi dışında heç nəyə qadir deyil.

“Hamlet” yazılan gündən dörd əsrdən çox zaman keçir, amma biz Şekspir teatrının nə olduğunu hələ də sözün əsl mənasında anlayıb, öz malımıza çevirə bilməmişik.

Ona görə ortada həm mövcud olan, həm olmayan qəribə bir ifadə var: Azərbaycan teatrı...

Bütün deyilənlərə rəğmən, bu şərtlər altında buna da şükür etməkdən özünü saxlaya bilmirsən.

Bayramınız mübarək!

REKLAM

Yazarın digər yazıları

Xəbər lenti

SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021
Milli Qurtuluş Günü münasibətilə konsert proqramı təqdim edildi
11:22 15 İyun 2021
Cavanşir Yusiflinin ən çox sevdiyi 10 roman - Siyahı
10:58 15 İyun 2021
Heç utanırsan, Ayxan?
10:35 15 İyun 2021
Füzulidə kitab sərgisi açılıb
09:53 15 İyun 2021
Ankarada Yunus Əmrənin 700 illiyi keçirilib
09:47 15 İyun 2021
Azərbaycanlı yazıçı koronavirusdan vəfat edən anası haqda hekayə yazdı – Mətn
09:01 15 İyun 2021
Aşıq Ədalətin oğlu: “İkimiz də ağlaya-ağlaya bir-birimizə baxırdıq” – Müsahibə
21:00 14 İyun 2021
Reza Deqatinin Əfqanıstanda çəkdiyi fotoşəkillər sərgilənib
18:54 14 İyun 2021
"Yüz ilin adamları”: Toğrul Nərimanbəyov – Yeni veriliş
18:33 14 İyun 2021