news-inner
clock16:25 calendar-gray 24 Yanvar 2017 view-gray365 dəfə oxunub
view-gray365 dəfə oxunub

Yenə o çirkli ruhumu, bədənimə geyim gərək

Zeynəb İsgəndər

***

Ehmalca qollarının arasına al məni

Uzat soyuq mərmərin üzərinə

Narahat olma,

Dirilmərəm,

Qorxutmaram səni.

Saçlarıma sığal çəkmə

Öyrəşməyib buna

Nəvaziş istəmirəm səndən

Qoy, sakitcə çıxım gedim

Gözlərimi bağla

Yanağımı sığalla

Boğazıma toxunma

Orda qəhər yığılıbdı

Ora dərin bir dəryadı

Orda dərdlər boğulubdu

Əllərimə toxunma

Nə kiminsə qanına bulaşıblar,

nə də ahına

Onsuz da təmizdilər vicdanım kimi

Buraxma heç kimi içəri

Qoyma töksünlər üstümə göz yaşlarını

özün ağ kəfənə bürü məni

Qoyma salsınlar hay-həşir

İşinlə məşğul ol, mürdəşir

***

Sabahdı, ertəndi, sübhdü

Yataqdan qalxıram, yenə

Yorğun, əzik, əynim nazik

ayaqlarım üşüyübdü...

Güzgünün önünə keçib

Qəhərdən mən boğuluram

Ruhumda irin var, qan var

Mən ruhumu soyunuram

Cismim durub lüt önümdə

Gülümsəyir Həvva kimi

Suallar üstümə yağır

Vaxtsız gələn leysan kimi

Suallar beynimi dəlib

Qanımı sovurur sanki

Qulağımda çığırtı var

Cavab ver "kiməm mən?

kim?!"

Mən körpüyəm, uzanıram

Bu yollardan, o yollara

Günahlarım imkan vermir

Oddan qaçım, çatım suya

Elə bildiz mən Siratam?

Əşi, inanmayın buna

Bakıda tikilmişəm mən

Tıxaclardan qurtulmağa

Deyəsən körpü deyiləm

Adi laxta qanam mən

Şəhidin yarasından, anasının gözyaşından

şırnaq-şırnaq yerə axan

Torpağa hopan qanam

Deyəsən qanda deyiləm

Qurumuş bir ağacam mən

Kökümdən kəsdilər məni


Yarpaqlarım tərk elədi

Çarmıx elədilər məni

İsanı üstümə çəkib

Qatil elədilər məni

Deyəsən ağac deyiləm

Boş qalmış bir beşiyəm mən

Gözüyaşlı bir ananın

Gecə-gündüz yırğalarkən
Dualarından ələnib

Qalan ən son ümidəm mən

Bəlkə də bir kitabam mən

Müqəddəs elan edilən

Çoxu tərəfdən sevilən

Mənim də vardı sirrlərim

Yandırılıb səhifələrim

Xəbəriniz yoxdu bundan?

Bəs mən idim kitabınız

Tanrı tərəfdən qorunan?

Soruşmusuz bunu ondan?

Qardaşlarım da var mənim

Eşitdim dəyişiliblər

Çoxdan görmürəm üzlərin

Onlarda Tanrıdan gəlib

Əslində bir çox təmizik

Bizi insanlar kirlədib

Bəlkə də bir qurtum suyam

Somalidə tapılmayan

Aclıqdan ölən uşağın

Gözündən axıb, durulan

İstəyəndə göyə qalxıb

Lap buludlara toxunan

İstəyəndə aysberq olub

Gəmiyə dəyib, boğulan

Qəzəblənib dağ parçasın

Yerindən dartıb, qoparan

Sonrada vicdana gəlib

Əkin yerlərin suvaran

Bəlkə mən bir qalstukam

Məmur boynundan asılan

Bərk-bərk sıxıb boğazını

Vicdanı dövrə qoymayan

Bəlkə aylı bir gecəyəm

Aydınlığa hamiləyəm

Səhər günəş doğulacaq

Mənim qatilim olacaq


Bəlkə mən bir balinayam

Okeanın dibindən bezən

Özünü sahilə çırpıb

İntihara cəhd göstərən

Mənim ruhum balinadı

Bu şəhərə yerləşmir o

Bezibdi darısqallıqdan

İntihara sahil tapmır o

Bəlkə də bir ürəyəm mən

Beyin tapşırsa bulanan

Beyin deyəndə dayanan

Amma bircə aşiq etmə

Aşiq oldumsa vəssalam

Qulaq asmaram beyinə

İstəyir yüz il deyinə

Bəlkə də bir ovucam mən

Kimsə mənə möhtac qalıb

Deyir ki, tut əllərimdən

Ruhum dünyada tək qalıb

Bəlkə bir qab şərabam mən

Qədəhdə sakitcə duran

Sənin cisminə girdimmi

Orda tüğyanlar qoparan

Bəlkə də bir siqaretəm

Ciyərlərin sevir məni

Ona tüstü bəxş edərək

Quruduram kədərləri

Düşünürəm mən bunları

Görən əsl cismim hanı

Boş qalıbdı mənim cismim

Axı kimdi? Nəyin nəsi?

Zəmanə şəhadətnaməsi

Ehmalca qapı döyülür

Universitetə gedim gərək

Yenə o çirkli ruhumu

Bədənimə geyim gərək

Gedirəm sakitcə yolla

Adicə bir tələbəyəm

Univerisitet, dərs, praktika

İmkanda vermir ki öləm

Bəşəri problemlərin

İçində bir zərrəyəm mən

Gecə şeir yazsam belə

Tezdən oyanmalıyam mən

news-inner-user
Kulis+

627 məqalə

Oxşar xəbərlər

Xəbər lenti

İşini, gücünü atıb kimsə sevməlidir məni - Cəlil Cavanşirin şeirləri
17:00 08 Avqust 2020
Əliağa Vahidin 125 illiyi münasibətilə poçt markası buraxılıb
16:05 08 Avqust 2020
Biz iki nəfər öldük
15:00 08 Avqust 2020
Səngərdə Vaqifin şeirlərini oxudu, məşhur filmə onun əvəzinə erməni aktyoru çəkdilər - Kinomuzun Cahandar ağası haqda maraqlı faktlar
14:00 08 Avqust 2020
Səkkizinci ayın səkkizi - Mahir N. Qarayev yazır
12:31 08 Avqust 2020
Məşhur aktrisa kinodan getmə səbəbini açıqladı
11:20 08 Avqust 2020
“Eurovision” mahnı müsabiqəsinin Amerika versiyası yaradılacaq
10:13 08 Avqust 2020
Rüstəmbəyovun alınmayan filmi – Sevda Sultanova “Dağlarda döyüş”ü tənqid edir.
09:00 08 Avqust 2020
Azərbaycanın məşhur folklor qrupu beynəlxalq festivalda iştirak edəcək
18:50 07 Avqust 2020
Çingiz Aytmatov fenomeni və Azərbaycan" monoqrafiyası çap olundu
18:04 07 Avqust 2020
Azərbaycanlı yazardan yeni kitab
17:36 07 Avqust 2020
Polad Həşimovun üzünə necə baxacağıq?
17:06 07 Avqust 2020
Məşhur müğənni uyğur türklərinə görə Çinə belə etiraz etdi
16:05 07 Avqust 2020
Kölgəmi ayrı basdırın, sevəcəyim qız çiynində... - Tural Turanın şeirləri
15:02 07 Avqust 2020
Məşhur müğənni vəfat etdi
14:11 07 Avqust 2020
Hər konsert ərəfəsində əri tərəfindən döyülən, 17 yaşlı oğlunu itirən əməkdar artist – Bağırov ona bayquş demişdi
13:09 07 Avqust 2020
Süleyman Qanuni, Hürrəm Sultan, Mona Liza, Sezar indi yaşasaydılar, belə olardılar - Maraqlı layihə
12:23 07 Avqust 2020
Toyu karantinə düşənlər üçün fürsət
11:32 07 Avqust 2020
"Kapitan Marvel 2"nin rejissoru bəlli oldu
10:43 07 Avqust 2020
Azərbaycanda tarixi abidəyə müdaxilə edən şəxslər saxlanıldı
10:10 07 Avqust 2020