writer1

Şərif Ağayar

Məqalə sayı

521
clock13:07 calendar-gray 23 Yanvar 2017 view-gray172 dəfə oxunub
view-gray172 dəfə oxunub

Allahın adıyla cahillik

Səhər tezdən vacib bir görüşüm vardı, evdən bir az tez çıxdım.

Metroya düşüb saata baxanda bir az yox, xeyli tez çıxdığımı gördüm.

Üstümdə kitab olanda vaxta qızırqalanmıram.

Bu dəfə də kitabım vardı deyə, düşdüyüm boşluq vecimə deyildi.

Özü də kim, kim? Xulio Kortasar...

Özü də hansı əsər? “Xana xana oyunu”...

Özü də hansı dildə? Türk!

“Nizami” metrosundakı açılıb-yığılan kül rəngli oturacaqlarının birində oturub oxumağa başladım.

Bu dəm cavan bir oğlun gəlib yanımda əyləşdi və əyləşəndə bir balaca kitabın ucuna toxundu.

Tez də çevrilib şirin Bakı ləhcəsində üzr istədi.

Gərək yox idi, təbii...

Bunu ona da bildirdim.

Təzədən əyilib kitabın üz qabığına baxaraq “Əmi, nə oxyursan?” – deyəndə əməllicə narahat oldum.

Çevrilib adamın üzünə baxdım.

Hardasa Elxan Qaraqana oxşayan, yaraşıqlı, azca saqqallı, başına “çeçenka” taxmış aydın gözlü bir gənc idi.

“Romandır” – dedim.

“Urus romanı?” – sanki roman özümüzünkü ola bilməz.

“Yox” – nəzərlərimi kitabdan ayırmadan cavab verdim.

“Bəs kimin?”

Bilmədim qısa necə cavab verəm ki, məndən əl çəksin.

Kortasarı iki-üç sözlə ona necə başa sala bilərdim?

“İspan ədəbiyyatıdır” – dedim.

“İspanca oxuyursan?” – işə keçmişdim.

Gəncin məni ələ saldığını düşündüm, üzünə diqqətlə baxanda belə olmadığına inandım.

“Yox, türkcədir.”

“Kirill əlifbası budur?”

“Bu latındır...”

“Bəs kirill nə deməkdir?”

“Əvvəlki əlifba...”

“Rus dili?”

“Demək olar.”

“Sən latınca oxuyursan?”

“Türkcədir bu?”

“Türkcə kirilldi, yoxsa latın?”

“Latın”

“Bizim dilimiz də əslində latıncadır, eləmi?”

“Dilimiz yox, əlifbamız.” – ürəyimdə dedim, yaxşı ki, qırğızca oxumuram, orda kirillə latın qarışıqdır, elə olsa müsahibimin qarşısında lap çətinə düşərdim.

Qatı ləhcədə, savadsızca danışmasa məni ələ saldığına əmin olar, kobud cavab verərdim.

Adamın səmimi suallar verdiyinə, öyrənmək istədiyinə əmin idim.

Yaxşı ki, qatar gəldi...

Fiti eşidilən kimi sonuncu sualını verdi: “Həzi Aslanov” “Nərimanov”dan keçir?”

Bizimlə üzbəüz divara vurulmuş qatarların nəhəng hərəkət cədvəlinə gözucu nəzər salaraq cavab dedim: “Keçir...”

“Ya Allah!” – deyib qoca kişilər kimi sanbal və etiqadla ayağa durdu, qatara mindi.

Arxasınca baxa-baxa düşündüm ki, ilahi, kaş bu cavan oğlan mənimlə məzələnmiş olsun...

Yazıqdı...

REKLAM

Yazarın digər yazıları

Xəbər lenti

190 manatlıq qarpızı təpikləyən yutuber
19:41 11 İyul 2020
Əruz vəznində yazılmış ən gözəl təbiət şeiri - Mətn
17:01 11 İyul 2020
Kəramət Böyükçöl: "Məşhurluğumun arxasında dura bilmirəm" - Video
16:29 11 İyul 2020
Özgə adam - Xəyyam Rəfilinin hekayəsi
15:42 11 İyul 2020
Polşa fondu Bakıda müsabiqə elan etdi
14:51 11 İyul 2020
İcazə verək, insanlar Allahlarıyla dalaşsın
14:07 11 İyul 2020
Qarajda yaşayan Əməkdar artistin ürək parçalayan son sözü - Maraqlı Faktlar
13:15 11 İyul 2020
Məktublarda gizlədilmiş sevgilər - Malik Atilayın yeni şeirləri
12:08 11 İyul 2020
Sadəcə, Şahin
11:18 11 İyul 2020
Orxan Pamuk Qərbə yarınır - Şəhriyar yazır...
10:21 11 İyul 2020
Tofiq azərbaycanlı qızı ləkələyir, rus qızıyla evlənir – Məşhur filmin pərdəarxası
08:59 11 İyul 2020
"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020
Berqmanın filmi əsasında serial çəkilir
16:39 10 İyul 2020
Azərbaycanlı müğənni koronavirusdan sağaldı
15:50 10 İyul 2020
Əliağa Vahidi ölümdən qurtaran dostu - Maraqlı faktlar
15:07 10 İyul 2020
Dördbucaqlı qətl hadisəsi – Əli Şirin Şükürlü yazır
14:20 10 İyul 2020
“Çəkməli pişik” onlayn göstəriləcək
13:39 10 İyul 2020
"Heç yerə çıxarda bilmirik" - Vaqif Bayatlıdan xəbər var
12:52 10 İyul 2020