“Siz məgər sevinmirsiniz ki, sizin gündəminiz Mirzə Cəlil, Sabir, məsciddə kitab imzalamaq olub? Bu gündəmin siqlətinə bax, indiki gündəmin siqlətinə bax”.

Kulis.az xəbər verir ki, bu sözləri şair Şəhriyar Del Gerani “Rövşanə ilə gündəm” verilişində bugünkü gündəmlə əvvəlki dövrləri müqayisə edərək deyib. O, müasir sosial şəbəkə müzakirələrinin səviyyəsizliyinə də diqqət çəkib:

“İndiki gündəm biabırçılıqdır. Filankəs filankəsin döşünün arasına pul qoydu, filankəsin əlinə toyda filan qədər pul verdilər. Azərbaycanlılar bütün sosial şəbəkələrdə bunları müzakirə eləyir”.

Şair hesab edir ki, bu fonda klassik ədəbiyyatın gündəmə gətirilməsi qınanmalı deyil. O, özünün tənqid olunmasına münasibət bildirərək deyib:

“Şəhriyar pis eləyib "Molla Nəsrəddin"i gündəmə gətirib?”.

O, çıxışında şəxsi müşahidələrini də bölüşüb. Onun sözlərinə görə, Ukraynaya səfəri zamanı tam fərqli mənzərə ilə rastlaşıb:

“Ukraynaya gedəndə gördüm ki, radiolarda Səməd Vurğunla bağlı dediyim məsələləri müzakirə edirlər. 8–10 ay gündəmdə oldu”.

Şair daha sonra ədəbi nüfuzun inzibati və siyasi dəstəkdən asılı olmamalı olduğunu vurğulayıb:

“Səməd Vurğunun arxasından hökuməti götürək. Mənim də kitabımı çıxaraq, Səməd Vurğunun da. Görək kimin kitabı ədəbi cameəyə daha çox sirayət edəcək”.

O, həmçinin müğənnilərin meyxana deməsinə də münasibət bildirib:

"Rep, meyxana andeqrounddur. Onların gözəlliyi zirzəmilərdə, küçələrdədir. Bu gün çırtma gəlib Azərbaycan pop musiqisnə çıxıbsa, bu, faciədir. Brilliant Dadaşova, Aygün Kazımova, Röya meyxana deyirsə, bu, faciədir. Cavanşir Quliyev məktəbindən çıxıb Vaqif Gərayzadəyə, oradan da Xanım İsmayılqızına gəldin ki, meyxana deyəsən?

Peşəkarın yolu nə olmalıdır? Düşüklük eləməy nə var ki? Hamımız eləyə bilərik. Məsələ onu eləməməkdir".

• Əkbər Qoşalının “Yol səni səslər” şeirlər kitabı rus dilində nəşr olundu
• Ordunun nəzarətində film çəkən Bollivud rejissoru – Hökumət onu niyə hədələmişdi?
• "Kiçik qüsurlara istehza edəndə xeyirxah olmalıyıq..." - İrland filsofdan sitatlar