news-inner
clock14:33 calendar-gray 17 Noyabr 2016 view-gray215 dəfə oxunub
view-gray215 dəfə oxunub

Aktrisa - Şeir

Baba Yaşaroğlu

biz eyni küləkli şəhərdə

eyni ulduzların altında yaşayırıq

mən yağışlı axşamları sevirəm

sən yağışdan sonra əsən səhər mehini

birimiz mavi dənizi,

birimiz o dənizə doymayan dolu buludları

hərdən kölgə salan isti qala divarları

hərdən dumanlı kirpikləri oxşamağı sevirik

birimiz həzin-həzin oxumağı,

birimiz yorulmadan sabahlara qədər oxunmağı sevirik

elə bil sən məni yaşayır, məni danışırsan

mən səndən yazıram

axtar məni

bizi susduğun yerdə

oxunmuş bir gözəlliyin var sanki

neçə türbələrdə adını əzbərlədim

sonra da qalın-qalın kitab səhifələrinə

dondurulmuş izahlar yazdım

...gül qurusu

sən yazılacaq eşq hekayələrimin ilk sətri

sevgili, gülərüz baş qəhrəmanı

kükrəyən dənizlərin eşqinə

hərdən gözlərinin qəhvə rənginə

bərk-bərk bürünmək istəyirəm

bu donduran dəli fırtınalar arasında

elə bil ki, büründükcə sağ qalacam

bəlkə də mən öz nəfəsimin çiskinli soyuğundan

birdəfəlik qorunacam

sığınacağım kimi (sən)

mənə qayğıyla qucaq açan

lap saçlarını oxşamaq istədim

sanki, sahildən görünən dəniz fənərləridir

daha çox aydınlanmaqdan belə qorxmuram

axtar məni

bizi susduğun yerdə

yaşılı söyüd bağçalı dünyamı

rəngləndirən qadın

mənə nə vaxtsa unuda bilməyəcəyim

dalğalı xatirələrimi yaşat

arabir də həyəcan dolu nəfəsinin titrəyişlərini

bəyaz köynəyinin ən üst düyməsinə gizlə

gəl, mənə aylı gecələrini danış

pərdə-pərdə, nağıl kimi

sabahları Günəş deyə isti şəfəqlərinə

bir başqa cür oyanmağı istəyirəm

nə olar ki, bir gün bizi canlandır

tut ürəyimin çağıran əllərindən

sonra da islaq dodaqlarından oxu

danışa bildiyin qədər ucadan danış adımı

gecələrlə, hecalarla

axtar məni

bizi susduğun yerdə

news-inner-user
Kulis+

628 məqalə

Oxşar xəbərlər

Xəbər lenti

Umberto Eko nəyə nifrət edirdi? - Həyat hekayəti
21:01 19 Fevral 2020
“Xocalı-şəhid şəhər” rəsm müsabiqəsinin yekun sərgisi açılacaq
18:35 19 Fevral 2020
Bu seksual qadınlar sizə gülməli görünəcək - Fotolar
17:51 19 Fevral 2020
Türkiyəli “Robinzon”un filmi çəkildi
17:09 19 Fevral 2020
Bakıda İtaliya-Azərbaycan Beynəlxalq Film festivalı keçiriləcək
16:31 19 Fevral 2020
Qusarda turistlər üçün ingiliscə tamaşa nümayiş olunacaq
15:52 19 Fevral 2020
Tanınmış aktyor: "Miri Yusifdən də dəhşətli “bozbaş”lar var" - Müsahibə
15:08 19 Fevral 2020
Opera ulduzları Bakıda eyni səhnəni bölüşəcək
14:29 19 Fevral 2020
"Mövsüm sonu" filmi nümayiş olunacaq
13:45 19 Fevral 2020
Tanınmış bəstəkara vəzifə verildi
12:59 19 Fevral 2020
Macarıstanda Azərbaycan Kinosu Günləri keçirilir
12:42 19 Fevral 2020
Azər Paşa Nemətovun çökdürdüyü milli teatrımız
12:03 19 Fevral 2020
Senzura məşhur rejissorun filmini dayandırdı
11:30 19 Fevral 2020
Adam necə yazıçı olur? - Ayxan Ayvaz yazır
10:52 19 Fevral 2020
Gənc yazarımızın romanı həm Azərbaycanda, həm Fransada çap olunacaq
10:25 19 Fevral 2020
Aydın Kazımzadənin 80 illiyinə həsr olunmuş tədbir keçirildi
09:41 19 Fevral 2020
Peyğəmbərin dişi ağrıyan cəlladı - Aqşin Yeniseydən yeni hekayə
08:55 19 Fevral 2020
Qollarım üstündə bir qız ağlayır – Nəriman Həsənzadənin şeirləri
21:01 18 Fevral 2020
Görkəmli bəstəkar Vasif Adıgözəlovun yaşadığı evin qarşısında barelyefi açılıb
18:56 18 Fevral 2020
15 yaşlı aktrisa dünyasını dəyişdi
18:50 18 Fevral 2020