writer1

Mirmehdi Ağaoğlu

Məqalə sayı

559
clock11:33 calendar-gray 23 Avqust 2011 view-gray600 dəfə oxunub
view-gray600 dəfə oxunub

Neftçaladakı su pərisini tanıyırdım

Söz rəmzini tanıyanlar, əski sirlərin biliciləri, məna bulağının sahibləri və məhəbbət bağının gözətçiləri sözü bəyan sapına düzüb belə nəql edirlər ki....

Bu şənbə-bazar yeniyetmə çağlarımda oxuduğum “Dörd dərviş” nağıllar kitabını yenidən oxudum.

Yaddaşımdan silinmiş, zaman-zaman xatırlamağa çalışdığım o nağılları yenidən xatırladım.

Həftəsonumu reallıqdan uzaq, illərin bir an kimi, məsafələrin bir addım kimi qısa olduğu, qocaların bir tilsimlə cavanlaşdığı, uşaqların bir günə böyüdüyü sehrli aləmdə keçirdim.

Sövdəgərlərlə yad ölkələr gəzdim.

Şahlar sarayında oldum.

Cənnət bağlarında dincəldim.

Ay üzlü, qara müşk saçlı, sərv qamətli, canın cahanı və cahanın canı olan nazəninlərlə badələr toqquşdurdum.

Busə verib, busə aldım.

Qızıl-gümüşlə, ləl-cəvahirlərlə, daşqaşlarla dolu xəzinələr tapdım.

Gözlərimə sürmə çəkib cinlər, pərilər məclislərində qonaq oldum.

Nimruz şahının oğlunun Ümman padşahının pəri qızı ilə toyuna,

Şahzadə Bəxtiyarın pərizadə ilə göbəkkəsdisinə şahidlik etdim...

Nağılların təsirindən çıxmağa macal tapmamış dünən qafqazinfo.az saytında Nefçalada balıqçıların toruna pəri düşməsi xəbərini oxudum.

İkinci məlumatda xəbərdə yayınlanan videonun youtubedan götürüldüyü, informasiyanın quraşdırma olduğu məlum oldu.
Xəbər nə qədər uydurma, yalan olsa da mənim üçün göydən düşmə oldu.

Nağıl deyə bir kitabdan pərilər haqqında oxuduqdan sonra xəbər saytlarından birində pərilər haqda məlumat almaq.

Həm də hadisənin uzaq məğrib ölkəsində deyil, doğulduğun rayonda, həm də tanıdığın, bildiyin bir kənddə baş verməsini oxumaq.

Bir zamanlar dənizə çıxmaq həsrətilə qumsalda dayanmış qayıqda oturub üfüqü seyr etdiyin sahildə bir pərinin cansız cəsədinin olduğunu gözlərinin önündə canlandırmaq.

Və bu hadisəni yenicə oxuduğun nağıllara bağlamaq.

Nimruz şahının bədbəxt oğlu sevimli pərisini yenə əldən verdimi deyə düşünmək.

Kitab bitsə də nağıllın hələ davam etməsi duyğusuna qapılmaq.
Özünü nağıllar aləminə düşmüş Alisiya kimi hiss etmək.

Nağıllarda özünəməxsus enerji var. Onlar həyat həqiqətləri içində itib batmış, bədbinlik dumanına düşmüş adamı şok terapeyası kimi ayıltmaq xüsusiyyətinə malikdirlər.

Əlimizin hər şeydən üzüldüyünü düşündüyümüz anda nağıllar sehirli bir qüvvənin bizi xilas edəcəyinə inandırır.

Latın Amerikası insanları nağıllara hədsiz aludədirlər. Bu onların ədəbiyyatında da hiss olunur. Sehrli realizmin vətəni nahaq yerə Latın Amerikası deyil ki.

Uqo Çavesi zibil qutusuna atdığı bir məktub xilas etmədimi? Əleyhdarları Çavesi devirmiş, özünü həbs etmişdilər.

Əli hər yerdən üzülmüş Çaves kağıza nəsə yazıb zibil qutusuna atır.

Onu aparandan sonra zibil qutusundan kağızı götürən keşikçi əsgər məktub olduğunu görür və Çavesin tərəfdarlarına çatdırır.

Məktubda Çavesin təslim olmadığını oxuyan ordu hücum edib Çavesi xilas edir.

Həqiqətlərin nağıl, nağılların həqiqət olduğu bir aləmdə yaşayırıqmış.
REKLAM

Yazarın digər yazıları

Xəbər lenti

Mahatma Qandinin aforizmləri
21:02 03 İyul 2020
Haqverdiyevlə bağlı film hazırlanır
18:30 03 İyul 2020
Ondan qorxurduq – Bacısı qızı Kafkadan yazır...
17:47 03 İyul 2020
Mehriban Vəzirdən yeni kitab
16:58 03 İyul 2020
Koronavirusa həsr olunan film çəkilir
16:13 03 İyul 2020
"Sehrbaz qadın" onlayn nümayiş olunacaq
15:21 03 İyul 2020
Xarici İşlər Nazirliyi nota göndərməlidir - Kino adamları od püskürdü
14:30 03 İyul 2020
Uşaqlar üçün tamaşa
13:57 03 İyul 2020
Anar yeni ssenarisini çəkməyə vəsait tapmır
13:15 03 İyul 2020
Hoşcakal, İrfan bey! – Ayxan Ayvaz yazır...
12:33 03 İyul 2020
Dünya ilə oynayan iki qadın - Mehman Qaraxanoğlu yazır...
12:07 03 İyul 2020
Qəmli-qəmli sevişmək – Oğuz Ayvaz yazır...
11:41 03 İyul 2020
Türkiyənin Azərbaycandakı keçmiş müşaviri vəfat edib
11:16 03 İyul 2020
Günün şeiri Küçük İsgəndərdən - Mətn
10:58 03 İyul 2020
Orxan Pamuk qızına çap qadağası qoydu
10:26 03 İyul 2020
İstəyirdim kimsə məni itələyib küçənin ortasına yıxsın - Bircənin romanı
09:00 03 İyul 2020
Azərbaycanlı fotoqraflar beynəlxalq fotomüsabiqədə 4 qızıl medal qazandılar
18:41 02 İyul 2020
Eşşək obrazına görə ərini tərk edən qadın – Əyyub Qiyasdan yeni hekayə
18:04 02 İyul 2020
Kosmosun qoxusu necədir? - NASA-dan 2 il əvvəl bunu düşünən azərbaycanlı
17:23 02 İyul 2020
Səməd Vurğunun şeirlər kitabı Türkiyədə nəşr olundu
16:41 02 İyul 2020