news-inner
clock11:33 calendar-gray 18 May 2016 view-gray226 dəfə oxunub
view-gray226 dəfə oxunub

Mən əsgər olanda anam... - Mirmehdi Ağaoğlu yazır

Şəhid Orxan Natiq oğlu Hümbətovun

anası Pərvanə xanıma

və bütün şəhid analarına

Mən əsgər olanda anam, hər gün dua elədi, salamat qayıdım deyə.

Mən əsgər olanda anam, hər gün ağladı, narahat idi deyə.

Mən əsgər olanda anam, bişirdiyi dadlı xörəklərin heç birindən doyunca yemədi, birdən ac olaram deyə.

Mən əsgər olanda anam, heç bir bayrama könüldən sevinmədi, bayramları evimizdə keçirmədim deyə.

Mən əsgər olanda anam, hər döyüş xəbərinə diqqət kəsildi, birdən cəbhədə olaram deyə.

Mən əsgər olanda anam, hər şəhid xəbərinə yas saxladı, şəhid olaram deyə.

Mən əsgər olanda anam, hər əsgər görəndə kövrəldi, məni xatırladı deyə.

Mən əsgər olanda anam, hər görüşdə sevincindən ağladı, intizardan üzüldü deyə.

Mən əsgər olanda anam, gecələri səksəkəli yatdı, növbələrdə oyaq qaldım deyə.

Mən əsgər olanda anam, hər gün üşüdü, soyuqda üşüyərəm deyə.

Mən əsgər olanda anam, heç bir toyda qol qaldırıb oynamadı, o toylarda olmadım deyə.

Mən əsgər olanda anam, hər telefon zənginə səksəndi, mən olaram deyə.

Mən əsgər olanda anam, heç kəsi telefonda çox danışmağa qoymadı, zəng edərəm deyə.

Mən əsgər olanda anam, hər zəngimə ağladı, səsimi eşitdi deyə.

Mən əsgər olanda anam, yanında siqaret çəkməyimə danışmadı, danlamağa üzü gəlmədi deyə.

Mən əsgər olanda anam hər gün yollara boylandı, məzuniyyətə gələrəm deyə.

Mən əsgər olanda anam, televizorun başından ayrılmadı, təxris xəbərim nə vaxt çıxacaq deyə.

Mən əsgər olanda anam, günləri saydı, nə vaxt qayıdacam deyə.

Mən əsgər olanda anam, qurban dedi, evimə dönüm deyə.

Mən əsgər olanda anam, bütün namuslu əsgər anaları kimi elədi, anadır deyə.

Mən əsgər olanda anam...

Bircə çəkmələrimi qoxlamadı.

Mən əsgər olanda ölmədim deyə.

Mən əsgər olanda bildim dünyanın ən kirli və ən iyli çəkmələridir əsgər çəkmələri.

Hər axşam yat komandasından sonra kazarmanı bürüyən o kəsafətli qoxunu içimə çox çəkdim deyə.

İndi isə.

Mən bilirəm.

Bağrına basdığın o çəkmələr dünyanın ən gözəl əsgər çəkmələridir.

Bir şəhidin çəkmələridir deyə.

Və bir də.

Bir şəhid anasının qoynundadırlar deyə,

PƏRVANƏ ANA!

Oxşar xəbərlər

Xəbər lenti

Ondan qorxurduq – Bacısı qızı Kafkadan yazır...
17:41 03 İyul 2020
Mehriban Vəzirdən yeni kitab
16:58 03 İyul 2020
Koronavirusa həsr olunan film çəkilir
16:13 03 İyul 2020
"Sehrbaz qadın" onlayn nümayiş olunacaq
15:21 03 İyul 2020
Xarici İşlər Nazirliyi nota göndərməlidir - Kino adamları od püskürdü
14:30 03 İyul 2020
Uşaqlar üçün tamaşa
13:57 03 İyul 2020
Anar yeni ssenarisini çəkməyə vəsait tapmır
13:15 03 İyul 2020
Hoşcakal, İrfan bey! – Ayxan Ayvaz yazır...
12:33 03 İyul 2020
Dünya ilə oynayan iki qadın - Mehman Qaraxanoğlu yazır...
12:07 03 İyul 2020
Qəmli-qəmli sevişmək – Oğuz Ayvaz yazır...
11:41 03 İyul 2020
Türkiyənin Azərbaycandakı keçmiş müşaviri vəfat edib
11:16 03 İyul 2020
Günün şeiri Küçük İsgəndərdən - Mətn
10:58 03 İyul 2020
Orxan Pamuk qızına çap qadağası qoydu
10:26 03 İyul 2020
İstəyirdim kimsə məni itələyib küçənin ortasına yıxsın - Bircənin romanı
09:00 03 İyul 2020
Azərbaycanlı fotoqraflar beynəlxalq fotomüsabiqədə 4 qızıl medal qazandılar
18:41 02 İyul 2020
Eşşək obrazına görə ərini tərk edən qadın – Əyyub Qiyasdan yeni hekayə
18:04 02 İyul 2020
Kosmosun qoxusu necədir? - NASA-dan 2 il əvvəl bunu düşünən azərbaycanlı
17:23 02 İyul 2020
Səməd Vurğunun şeirlər kitabı Türkiyədə nəşr olundu
16:41 02 İyul 2020
“Durna balığı” onlayn göstəriləcək
15:48 02 İyul 2020
Bakıda böyüyən yazıçının Avropada bestseller olan romanı - O, rus çarına niyə "dünyanın ən bədbəxt adamı" deyirdi?
15:02 02 İyul 2020