news-inner
clock12:50 calendar-gray 12 Aprel 2016 view-gray828 dəfə oxunub
view-gray828 dəfə oxunub

“Xoşbəxt olardım şanapipik olsam” YENİ İMZA

Kulis gənc şair Həmid Piriyevin qısa şeirlərini təqdim edir.

qağayılardan soruşdum səni ləpədöyəndə

narın damcılar töküldü üstümə

islandım bir az

sonra damcıların dənizdə itməyinə baxdım

bir də qağayıların uçuşuna

qağayılardan soruşdum səni ləpədöyəndə

bilmədim qağayılar ağladı yoxsa yağış yağdı...

*

günəşə uçuram

Dedalın oğlu

İkar kimi

amma mən

göyərçin qanadlarıyla

*

yağış yağır

və mən

yaşamaq istəyirəm

bir dəqiqə

bircə dəqiqə də

*

dünən gecə məktub gəldi

hamının yaddan çıxartdığı evimə

zərfdə

Van Qoqun qulağı

və mən

şeir pıçıldadım o qulağa

səhər obaşdan

hələ günəş ana olmamış

*

xoşbəxtliyin rəsmini

çəkən rəssam

salam var

bütün bədbəxtlərdən

sənin

avtoportretinə

*

şanapipik olardım məmnuniyyətlə

bütün dərdlərdən öhdəliklərdən adamlıqdan azad

uçardım xoşuma gələn yerlərdə

günəş rəngli lələklərim parıldayardı günəşin altında

xoşbəxt olardım şanapipik olsam

şeir yaza bilməsəm belə

*

Qovuşa bilməzdik – mən balıq, sən quş

Mən özümdən uydurmuşdum bu eşqi

Balıq olmağını arzulayardım

Ya da mən quş ola biləydim, kaş ki...

Nə boyda olur ki, balıq sevgisi?

Uzaq başı Xəzər dənizi boyda.

Sən isə azadsan, uçursan, quşsan,

Ayrılığın ən az göyüzü boyda...

*

kağız quşlar düzəldərdik

uşaqlıqda qardaşımla

dama dama dəftər kağızından

dama dama quşlar

görəsən hansısa qanadlanıb qona bilmişdi mi

arzuladığı ağaca

*

bukinist vardı yeddinci mikrorayonda

dildən bir az pəltək

açıq havada stolun üstünə düzürdü kitabları

və yaxınlaşan müştəriyə

hansısa kitabı uzadıb

buna bax deyirdi

alma elə-belə bax

və satırdı kitabları

*

adımı cızmadım ağac gövdələrinə

sadəcə axşamüstü

prospektləri birləşdirən dar yoldakı

küknar ağacının altında dayanıb

şeir pıçıldadım

üzü küləyə

o ağac xatırlayacaq məni

kəsilən gününəcən

Balaca adamın arzusu

çıraq tapsaydım sahildən

içindən cin çıxsaydı

nə pul istəyərdim ondan

nə ev nə də başqa bir şey

çərpələng istəyərdim

uçurdub xoşbəxt olmağa

news-inner-user

19976 məqalə

Oxşar xəbərlər

Xəbər lenti

Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021
Britaniya filmi beynəlxalq müsabiqədinin qalibi oldu
18:00 20 Sentyabr 2021
Uşaqları sevməyimizin sirri - Sahib Altay yazır...
17:16 20 Sentyabr 2021
Məmməd Əmin Rəsulzadənin nəvəsinin ölüm anı lentə alınıbmış - İlk dəfə - Video
16:38 20 Sentyabr 2021
Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyirlər? - Sorğu
14:41 20 Sentyabr 2021
"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021