“M.S.S” tamaşasının premyerası keçirildi

Teatr

Ana səhifə
Teatr

“M.S.S” tamaşasının premyerası keçirildi

1 iyul 2025

17:10

Gəncə Dövlət Milli Dram Teatrında “M.S.S” tamaşasının premyerası keçirilib.

Kulis.az xəbər verir ki, Əməkdar incəsənət xadimi Əli Əmirlinin “M.S.S” pyesi əsasında eyniadlı tamaşanın rejissoru Fuad Cavadzadədir.

Yeni səhnə əsərinin quruluşçu rəssamı Mirzə Mehdi, musiqi tərtibatı Zaur Rəşidov və Elşən Cəfərovdur.

Tamaşada “İkinci Nəfəs” teatr-studiyasının tələbələri ilə yanaşı teatrın aktrisaları Zəminə Cəfərova və Sevinc Hüseynova çıxış ediblər.

Qeyd edək ki, Prezident İlham Əliyevin “Azərbaycan peşəkar milli teatrının 150 illik yubileyinin qeyd edilməsi haqqında” Sərəncamın icrası ilə əlaqədar olaraq respublikanın 5 teatrında kadr problemini aradan qaldırmaq məqsədilə teatr-studiyaları yaradılıb.

Həmin sərəncama əsasən, Gəncə Dövlət Milli Dram Teatrının nəzdində “İkinci nəfəs” teatr-studiyası fəaliyyətə başlayıb.

Tədris müddəti ərzində tələbələr teatr sənətinin sirləri ilə yaxından tanış olaraq nəzəri və praktik biliklərə yiyələnmiş eyni zamanda görkəmli teatr xadimlərinin ustad dərslərində və seminarlarında iştirak ediblər.