writer1

Səhər Əhməd

Məqalə sayı

196
clock10:00 calendar-gray 31 Dekabr 2015 view-gray303 dəfə oxunub
view-gray303 dəfə oxunub

Verilişlərimizin həmsəylik günü

İndi başlayacaqlar "hoppanmağa, qışqırmağa". Müğənnilərimizi və aparıcılarımızı deyirəm. Hərəsi boynuna bir zərli lent atıb bir-biri ilə həmr(s)əy olub bizi də həmrəyliyə səsləyəcəklər. Səviyyə yox, zövq yox, söz ehtiyatı yox, vicdan yox, senzura yox, dünyadan xəbərləri yox.

Bəlkə də artıq başlayıblar. Neçə ildi, yerli telekanallarımızın ucbatından nəinki televizora baxmıram, hətta televizor olan otağa keçməyə üşənirəm, elə bilirəm bu "qutu"nun qaranlıq ekranından indicə bir Elariz, ya bir Elgiz çıxacaq.

Amma hərdən, lap hərdən stomatoloqun gözləmə zalının divarından, gözəllik salonunun küncündən, saç ustasının güzgüsündən bizim verilişlər imkan tapıb bir beyin həmləsi yapırlar. Onda ki, nəinki pultun düyməsi, heç öz ixtiyarım özümdə, başım öz əlimdə olmur.

Məcbur olub görürəm ki, o əttökən şoulara necə diqqətlə tamaşa edirlər. Bu qədər müzakirə eləməyə mövzu olduğu vaxtda xalqımız necə həvəslə öz manıslarının geyimini, "priçoska"sını, silikonunu, özəl həyatını çək-çevir edir. Deməli, xalq öz manıslarıyla xoşbəxtdir, yəni, "bibi Yusifi sevir, Yusif də bibini".

Bəs onda biz kimik, orda-burda deyinən bir ovuc başıdaşlı, bəs onda biz nə məqsədlə yaranmışıq?! Sualı bir də Füzuliyanə verək:

Gər mən mən isəm, nəsən sən, ey yar,

Gər sən sən isən, nəyəm məni-zar?!

Neyləmək olar, azlıq hər zaman çoxluğa tabedir və deməli, çoxluq həmişə hakimiyyətdədir.

Bu millət o gözəl xalq mahnılarının müəllifi, ifaçısı, dinləyicisi, fanatı deyildimi, bəs indiki mahnıları niyə həzm eləyir, toyda sifariş verir, dinləyir, oynayır, zövq alır, sirri-xüdadı. Hamı birdənmi öldü, müəlliflər də, ifaçılar da, dinləyicilər də?! Hərdən elə mahnının sözləri mühasirəni yarıb beynimə hücum eləyir ki, yanıb-tökülürəm. Lap tutaq ki, sözlərin müəllifində bir az çatmır, bəs bəstəkar, ona nə düşüb axı? Lap deyək ki, bəstəçidə də çatmadı, bəs müğənni ağzına alıb oxuduğu sözlərə niyə fikir vermir?! (Bu yerdə sual cümlələrinə görə üzr istəyirəm).

Hər səfeh mahnının arxasında bir mənasız trio - şair, bəstəçi və müğənni üçlüyü düşünün. Düşündükcə düşünün. Bu bayram günlərində elə ən yaxşı variant, bütün problemləri unudub manıscasına düşünməkdi və bir-birinizi verilişlərimizin qarşıdan gələn həmsəylik günü münasibətilə təbrik etmək.

REKLAM

Yazarın digər yazıları

Xəbər lenti

Bakı caz festivalı yubileyini qeyd edəcək
18:50 25 Sentyabr 2020
Natali Portman kitab yazdı
18:15 25 Sentyabr 2020
AzTV “Diriliş Ərtoğrul” serialını yayımlayacaq
17:30 25 Sentyabr 2020
Məşhur rəssamın tablosu 80 milyon dollara satılır
17:02 25 Sentyabr 2020
Nobel mükafatının məbləği artırılacaq
16:25 25 Sentyabr 2020
Arvadını döyən tənha ata, öz qaynını sevən Həqiqət – Səriyyə xalaya çətin suallar gəldi
15:47 25 Sentyabr 2020
Qardaşlarından küsüb evdən getdi, ərli qadına aşiq oldu, dünyadan subay köçdü…– Maraqlı faktlar
15:08 25 Sentyabr 2020
"Salnaməfilm" Milli Qəhrəmanlar haqqında film çəkir
14:30 25 Sentyabr 2020
"YARAT”da sərgi
13:53 25 Sentyabr 2020
Paşinyanın arvadını neyləyəcəyik? – Sərdarın yazısı
13:10 25 Sentyabr 2020
Senatdan uyğurlarla bağlı şok təklif
12:31 25 Sentyabr 2020
Çingiz Abdullayevin gözə kül üfürməyi – Mirmehdi Ağaoğlu yazır...
11:51 25 Sentyabr 2020
Seymur Baycandan yeni kitab
11:13 25 Sentyabr 2020
Yekə döşlər, iri budlar? – Firuz Mustafa yazır...
10:40 25 Sentyabr 2020
Fəxrəddin Manafov xəstəxanaya aparılıb
10:00 25 Sentyabr 2020
Hər yanımdan məftillər sallanırdı - Bircənin romanı
09:00 25 Sentyabr 2020
“Qara dul qadın” filminin premyerası təxirə salındı
18:41 24 Sentyabr 2020
Bəxtin gətirmirsə, deməli...
18:04 24 Sentyabr 2020
Mən ki Allah deyiləm, uşaqları aldadım... – Yeni imza
17:25 24 Sentyabr 2020
Nərgiz Cəlilovaya yeni vəzifə verildi
16:43 24 Sentyabr 2020