writer1

Şərif Ağayar

Məqalə sayı

521
clock13:56 calendar-gray 07 Dekabr 2015 view-gray145 dəfə oxunub
view-gray145 dəfə oxunub

100 manatlıq təhsil

Dünyada depressiv ifadələr çoxdur. Misal üçün, Fələstin, Naqasaki, Xocalı, Çernobl və s.

Həmişə rastlaşanda mənə depressiya verən daha bir ifadə də var: Təhsil. Niyəmi? Cavab çox sadədir. Özüm ixtisasca müəlliməm, eyni zamanda qohum-əqraba sarıdan çoxlu müəllim və müəllimələrin əhatəsindəyəm. Üstəlik, yeni çapdan çıxan romanımın qəhrəmanı da müəllimdir və bu kitabı yazarkən çoxlu araşdırmalar aparmışam. Bir sözlə, söhbəti bilirəm və vəziyyəti bircə kəlmə ilə belə ifadə edərdim: Dəhşət!

İndi gördünüzmü ki, Azərbaycanda “Təhsil” sözü təxminən “Dəhşət” sözünün sinonimi kimi səslənir. Bir ifadə ki, dəhşət mənasını verir, o niyə depressiv olmasın?

Açığını deyim, mənimçün Azərbaycanın təhsil problemi Qarabağdan da ağrılı, dərdli və ümidsizdir. Çünki insanın işğal olunan torpaqlara qayıtmaq inamı həmişə var və bu rasional məntiqlə mümkündür. Amma təhsilimiz öz absurdluğu ilə çoxdan irrasional qatdadır və fövqəlbəşər mahiyyətlidir. Yəni, insan iradəsinin fövqündədir.

Onun üçün də kitab-dəftərlərə sığmayan çoxsaylı problemlərinin nə vaxtsa həll olunacağına, şəxsən mən, inanmıram. Çünki təhsilimizdə problem az qala hər məmurla, hər müəllimlə və hər şagirdlədir. Ən bəsitini götürək. Səkkizmartpulunu... Yeri gəlmişkən, təklif edirəm ki, bu ifadə eynən yazdığım kimi dilimizin lüğət tərkibinə daxil edilsin. Çünki qədirşünas xalqımız on illərlədir bu kəlməni sevə-sevə işlədir. Ölkədə səkkizmartpulunun nə olduğunu bilməyən adam görsək ona ən ayıblı yerimizlə gülərik.

Uşaqlar da ağlı kəsəndən anlayır ki, şagird 8 Martda öz şubalı müəlliməsi üçün pul yığmalı, ya da bahalı hədiyyələr almalıdır. Bu, hətta, dərsdən, kitabdan, oxumaqdan da vacibdir. Oxumağa nə var, yuxarı kurslarda hazırlığa gedib öyrənirsən də onsuz da...

Təhsilimiz elə bir bataqlığın içinə hellənib ki, heç bir mütərəqqi qanun-qayda bizə kömək eləmir. İstəyirsən Boloniya sisteminin banilərindən olan Umberto Ekonu çağır, xeyri yoxdur. Bir də eşidəcəksən ki, hardasa xaşalqarın məktəb direktorlarının əhatəsində xəngəl yeyə-yeyə saza qulaq asır.

Zarafat eləmirəm. Heç bir qanun-qayda nəinki bizə kömək eləmir, əksinə düşdüyümüz bataqlığı daha da dərinləşdirir. Misal üçün elə dünən Milli Məclisdə qəbul edilən qərar... Ay ərzində 7 saat dərs buraxan şagirdin valideyni 100 manat cərimə verməlidir. Bu qərar bilirsiniz necə icra olunacaq? Yuxarı siniflərdə hazırlığa gedib dərs buraxan şagirdlərə “qaib” yazmamağın “qiyməti” qalxacaq.

Əcəb işdir.

Sənə dərs demirəm ki, savadsız qalasan.

Savadsız qalıb məcburən mənim yanıma ödənişli hazırlığa gələsən.

Hazırlığa gəlmək üçün dərs buraxsan.

Dərs buraxıb “qaib” almamağa görə “görüm-baxım” edəsən.

Deputatlarımız da, sağ olsunlar, bu yandan sərfəli imkan yaradırlar.

Belə məmləkəti sevməyib nə edəsən?

REKLAM

Yazarın digər yazıları

Xəbər lenti

Gevorkovun bacısı qızı ilə sevgili olana azərbaycanlı – Mahir yazır...
10:15 13 İyul 2020
Yazıçımızın hekayəsi Gürcüstan ədəbiyyat portalında
09:30 13 İyul 2020
“Mücrü” jurnalının baş redaktoru: “Ayağım nəşriyyata düşərli olmadı” – Müsahibə
09:00 13 İyul 2020
Xalq artisti koronavirusa yoluxdu
14:28 12 İyul 2020
Qızını ölən qızının həyat yoldaşına verdi, oğlu intihar etdi, nəvəsi güllələndi... – Axundov haqqında inanılmaz faktlar
12:15 12 İyul 2020
Anar özünün ən uğurlu hekayəsini seçdi – Mətn
11:44 12 İyul 2020
190 manatlıq qarpızı təpikləyən yutuber
19:41 11 İyul 2020
Əruz vəznində yazılmış ən gözəl təbiət şeiri - Mətn
17:01 11 İyul 2020
Kəramət Böyükçöl: "Məşhurluğumun arxasında dura bilmirəm" - Video
16:29 11 İyul 2020
Özgə adam - Xəyyam Rəfilinin hekayəsi
15:42 11 İyul 2020
Polşa fondu Bakıda müsabiqə elan etdi
14:51 11 İyul 2020
İcazə verək, insanlar Allahlarıyla dalaşsın
14:07 11 İyul 2020
Qarajda yaşayan Əməkdar artistin ürək parçalayan son sözü - Maraqlı Faktlar
13:15 11 İyul 2020
Məktublarda gizlədilmiş sevgilər - Malik Atilayın yeni şeirləri
12:08 11 İyul 2020
Sadəcə, Şahin
11:18 11 İyul 2020
Orxan Pamuk Qərbə yarınır - Şəhriyar yazır...
10:21 11 İyul 2020
Tofiq azərbaycanlı qızı ləkələyir, rus qızıyla evlənir – Məşhur filmin pərdəarxası
08:59 11 İyul 2020
"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020