writer1

Mirmehdi Ağaoğlu

Məqalə sayı

574
clock10:53 calendar-gray 15 Oktyabr 2015 view-gray202 dəfə oxunub
view-gray202 dəfə oxunub

Pulu atıb sözü tutanlar

Kulisdə təzə-təzə işləməyə başlamışdım. Nərd düzəldib satan yoxsul bir şair redaksiyamıza gəldi. Adı Rəfail Sadiq idi. Yeni olduğuma görə uşaqlar o dəqiqə məni verdilər qabağa, onunla müsahibə elədim.

Müsahibədən sonra ordan-burdan söhbət edəndə öyrəndi ki, mən bankdakı işimi atıb Kulisə gəlmişəm. Əvvəl təəccübləndi, sonra mənə ürək-dirək də verməyə başladı. Çox ehtimal yönlü bir işlə məşğul olub ailəsini dolandırmaq yerinə şeir-qəzəl yazdığı üçün ailəsində, qohum-əqrəba içində qınanan şair hiss elədim sevinir; axır ki, özüm kimi sözə-sənətə görə puldan-paradan keçən bir adama rast gəldim, deməli mən tək deyiləm, deməli şair, sənət adamı belə olar, qəlbini, söz üçün, ədəbiyyat üçün şəm edib əridər (Qəzəl də yazırdı deyə onun bənzətməsində şam mütləq olmalı idi).

Üstündən hardasa il yarım keçəndən sonra Rəfail Sadiq yenə gəldi. Dedi, sənə şeir yazmışam. Pencəyinin döş cibindən bir kağız çıxarıb mənə uzatdı, bir az sonra çıxıb getdi.

Açığı, şeiri üzə çıxartmağa ehtiyat edirdim. Utanırdım. Biz dədə-babadan görmüşük ki, şeiri xalq şairlərinə, xalq yazıçılarına, böyük adamlara həsr edərlər ki, sonra bəhrəsini görəsən. Yoxsa mənim kimi kasıbın birinə şeir yox e, poema da yazsan bir xeyir dəyməz.

Təbii ki, o şeiri hansısa məqsəd üçün deyil, içindən gəldiyi üçün yazmışdı. Mənimlə söhbət onun çoxdan bəri qəlbində dəfn elədiyi arzularımı diriltmişdi, yoxsa ailəsini taxta əşyalar düzəltməklə dolandıran kasıb şair təzədən özündə bir təpər tapmışdı, bilmirəm. Hər nə isə, mən onun səmimiyyətinə inanıram. Çünki bu yaşıma qədər kimdə ədəbiyyata, sözə, sənətə meyl hiss etmişəmsə, o adamda 90-larda yediyimiz “Buş budları” kimi donmuş formada olsa belə Xeyir zərrəsi görmüşəm. Dünyanın ən istedadlı, dahi yazıçısından tutmuş, təsadüf dalğalarının ədəbiyyatın sahilinə taxta parçası kimi tulladığı ən istedadsız şairdə-yazıçıda belə bu hərarəti duymuşam. Buna görə də əlində qələm olan hər bir adama hörmətlə yanaşmağı həmişə, hər zaman özümə borc bilmişəm.

Bu tərəddüdlərlə çoxdandı özümdə saxladığımı şeiri bu gün yaymaq qərarına gəldim. Yəqin ki, ad günündə, ilin bircə günündə qürrələnmək qəbahət sayılmaz. Gerisini Allah nəsib edər.

Sağ olsun, Rəfail Sadiq bəy.

Sənin timsalında var, az-az doğru yazanlar,

Həqiqəti görənlər çox olsa da kordular.

Cəsarətlə gerçəyi yazıb, qəbir qazanlar,

Özlərinə zülm edir, özlərinə zordular.

Sən çoxunun gözündə, atıb bir bank işini,

“Sadəlövhsən” heç puldan insan uzaq qaçarmı?

Hardan tapdın, Mirmehdi, söz yazmaq vərdişini?

Məqaləylə, söz ilə könül işıq saçarmı?

İstisnalar yurdudur bizim, Azər Ölkəmiz,

Milyonların içindən tapmaq saf asan deyil

Bizi təqib edəcək, Mirmehdi, boş kölgəmiz,

Avvarələr içində kölgəmiz də bir deyil.

“Var” yığanlar içində, söz yığmağın tanışdır,

Bəxt onları tapanda sən, “tale” axtarırsan?

Rəfaili həm pula, həm də sözə alışdır,

Söz-əməli bir olan bir saleh axtarırsan.

“İthaflı şeirlərim” başqa sözüm tək əziz,

Yazılmalıydı yəqin bu gün, bu an, bu gecə

Rəfailəm Sadiqəm şükür ilhamım dəniz,

Mirmehdi Ağaoğlu sözlə yaşayaq necə?

12.12.2014

REKLAM

Yazarın digər yazıları

Xəbər lenti

Akademik Musiqili Teatr növbəti ilkə imza atdı - Video
18:01 28 Yanvar 2021
Çağdaş alman romanı Vilayət Hacıyevin tərcüməsində - Yeni nəşr
17:36 28 Yanvar 2021
Evlilik duyğuların zibil qutusudur – Dahilər ailə haqqında nə deyir?
17:19 28 Yanvar 2021
Sevgisizlikdən "uçan" qadınlar - Günel Mehri yazır...
16:40 28 Yanvar 2021
Aşıq Veysəlin nəvəsi babası ilə bağlı məşhur faktları inkar etdi
15:59 28 Yanvar 2021
"İstəyirəm xanımların mənə yazığı gəlsin" - Vaqif Səmədoğlu ilə müsahibə
15:18 28 Yanvar 2021
Xalq artisti: "Şəfiqə Məmmədovadan hamı narazıdır"
14:40 28 Yanvar 2021
Eyvaz Əlləzoğlunun 65 yaşı tamam olur – Onu yaxından tanıyaq
14:36 28 Yanvar 2021
Nobel ziyafəti verilən salon peyvənd mərkəzinə çevrilir
14:22 28 Yanvar 2021
Aktrisa 94 yaşında vəfat etdi
13:41 28 Yanvar 2021
Vaqifin ortadan qırılan siqareti – Babək Göyüş yazır...
13:01 28 Yanvar 2021
Sevgilisi ilə xanımını 4 ay bir evdə saxladı, yəhudi toyunda hamını ayağa qalxmağa məcbur etdi- Heç kimə bənzəməyən Rəmiş
12:30 28 Yanvar 2021
Ürək parçalayan şəhid məzarları – Günahkar kimdi?
11:50 28 Yanvar 2021
Azərbaycanlının evlilik təklifi niyə bayağı alınır?
11:07 28 Yanvar 2021
Anar evliliyinin 59 illiyini qeyd etdi - Fotolar
10:25 28 Yanvar 2021
Kann Film Festivalı təxirə salındı
10:02 28 Yanvar 2021
Orxan Pamukun romanları Qərbin gizli sifarişidir – Aqşin Yenisey yazır...
09:01 28 Yanvar 2021
“Azərbaycanın klassik 12 instrumental muğamı” kitabı təqdim olundu
18:59 27 Yanvar 2021
Mədəniyyət naziri Fransanın dövlət katibi ilə görüşdü
18:11 27 Yanvar 2021
Qarabağda mina təmizləyənlərdən film çəkildi - Video
17:28 27 Yanvar 2021