news-inner
clock14:30 calendar-gray 17 İyun 2015 view-gray461 dəfə oxunub
view-gray461 dəfə oxunub

Solçuluqdan biznesmenliyə-65 yaşlı Cimi

Solçuluqdan biznesmenliyə-65 yaşlı Cimi

80-lərin kumiri Mithun Çakrobortinin 65 yaşı tamam oldu...

Mithun Çakrobotinin həyatı hind filminin ssenarisinə oxşayır: hökumətə qarşı hərəkatda iştirak etdiyinə görə həbs olunmaq təhlükəsi ilə üzləşsə də, möcüzə nəticəsində xilas ola bilir. Pulu və əlaqələri olmadan Bollivudu fəth edir və 200-dən artıq filmə çəkilir. Gözəl aktrisa ilə evlənir,yalnız öz ölkəsində deyil, Asiyada da məşhurlaşır.

Mithun Çakrobortinin şöhrətə aparan yolu sadə adlandırmaq olmaz. O, telefon şirkətində çalışan sadə işçinin ailəsində doğulub. 1960-cı illərin sonunda Hindistan da bütün dünya kimi inqilabi hərəkatlara meyllənmişdi. Gənc Çakroborti radikal sol kəndli hərəkatı olan “Noksalit”lərə qoşulmuşdu. Faktiki olaraq bu hərəkat maoist kommunzim ideyalı terrorçu hərəkat di. Terror aktlarından başqa radikallar müxtəlif şəhərlərdə etiraz və üsyanlar qaldırırdılar-bu üsyanıniştirakçılarından biri də Çakroborti idi. Hakimiyyət üsyanı amansızlıqla yatırdı, təhrikçiləri edam və həbs gözləyirdi. Atası oğlunu xilas etmək üçün gizləmək qərarına gəldi və Mithunu Mumbaya dayısıgilə göndərdi. Gələcəkdə, Mithun məşhurlaşdıqca ailəsi bir vaxtlar tərk etdiyi tərəfdarlarından hədələr alacaqdı.

Böyük şəhərdə Çakroborti ətriyyat şirkətlərindən birində işə düzəldi. Bir ildən artıq müddətdə o, ətriyyat məhsullarını sataraq və reklam edərək ölkəni gəzdi. Puna şəhərində gözünə Kino institutunun aktyor qəbulu barədə elanı sataşdı. Mithun nə olursa olsun, aktyor olmaq qərarına gəldi. Bu, ona asan olmadı, onu ləhcəsinə görə işə almaq istəmirdilər. Amma istedadı və naturası ona instituta qəbul olaraqoranı qızıl medalla bitirməyə kömək etdi.

Kinoda ilk addımlarını Mithun hələ tələbə olanda atır. “İki yad adam” filmində epizodik rolu ona uğur gətirməli idi. Axı bu filmdə o, Amitabx Baççan və Rekha kimi hind tamaşaçılarının sevimliləri ilə birgə çəkilir. Film uğur qazansa da Çakrobortinin iki dəqiqəlik rolunu kimsə qeyd etmir. Amma 1976-cı ildə çəkilən “Şahanə ov” art-haus filmi Mithuna ölkənin ən yaxşı kinoaktyoru mükafatını qazandırır. Hesabla bu uğurdan sonra prodüser və rejissorlar onu çəkmək üçün növbəyə durmalı idilər, təəssüf ki, belə olmadı.

Təkliflər gecikirdi, aktyor özünə iş axtarmağa başladı. Pulsuzluqdan ehtiyat edib, o zəif filmlərdə məvacib xatirinə çəkilməyə başlayır. O, elə-belə onuncu dərəcəli filmlərdə ömrü boyu çəkilə və məvacibdən başqa heç nə qazanmaya da bilərdi.

Amma uğur ona yenidən gülümsədi. Rejissor və prodüser Babbar Subhaş Mithuna “Disko rəqqası” filmində çəkilməyi təklif etdi. Mithun bu rola çox uyğun idi: yaraşıqlı, artistik idi və bədənini əla idarə edə bilirdi. Film ekrana çıxandan sonra Çakroborti nəinki ölkədə, ölkədən kənarda da məşhur oldu. Cəmi bir ol Mithunu Hindistanın ən aparıcı, çox qonorar alan aktyoru etdi. Onun çəkildiyi “Disko rəqqası” filmi keçmiş SSRİ-də də fantastik şöhrət qazanmışdı. Film Sovet prokatına 60 milyon manat gəlir gətirmişdi. Mithun o zamanın gənclərinin əsl məhəbbət kumiri idi.

Cani və prodüser

Populyarlığın zirvəsində olan Mithun “Boksçu” filmində özünü prodüser kimi sınamaq qərarına gəlir. Amma tamaşaçılar kumirlərinin debütünə laqeyd yanaşırlar, onlar Mithunu titrlərdə yox, kadrda görmək istəyirdilər. Amma kadrlarda da birmənalı təqdim olunmurdu. Əlbəttə təkliflərdən macal yox idi, amma Çakrobortinin işlərinin çoxu “Disko rəqqası” kimi parlaq olmurdu.

1990-cı illərdə Mithunda cani ampluası yaranmağa başlayır. Bu onun publikasını əməlli-başlı hövsələdən çıxarır. Beynəlxalq terroristi oynadığı bir roldan sonra isə Çakrobortitamaşaçılardan mənfi personajları oynadığına görə üzr istəyir.

Buna baxmayaraq, Mithuna tələbat ziyadədir. Bollivud böyük sayda filmlərlə şöhrət tapır, aktyora təkliflərin ardı-arası kəsilmir. Çakrobortinin filmoqrafiyası ağlagəlməz rəngarənglikdədir. Ölkənin ən varlı adamlarından biri kimi Mithun bizneslə də məşğul olur. O, az büdcəli filmlərin istehsalı ilə məşğul olur, həm də uşaqlıq arzusunu həyata keçirir-otel açır. “Monarx” otellər şəbəkəsi onundur.

“Disko rəqqası”ının ailə həyatı

Əlbəttə, Mithun Çakrobortinin sevgi romanları haqda əfsanələr dolaşır, amma məşhur Cimiiki dəfə ailə qurub. Onun birinci arvadı model Helena Lyuk idi. Əksər gənc aktyorlarda olduğu kimi onların da nikahı uzun sürmür. Lakin ikinci ittifaq uğurlu olur. Aktrisa Yoqita Bali ərinə görə, öz karyerasından keçir və özünü bütünlükdə ailəsinə həsr edir.

Onların nikahından dörd uşaqları var. Onlardan ikisi artıq atalarının yolu ilə gedib. Böyük oğlu MimohÇakroborti Bollivudda çəkilir. İkinci oğlu RimohÇakroborti də atası ilə eyni filmdə çəkilib. Yaşına və biznesinə baxmayaraq, Çakroborti kinematoqrafiyanı buraxmır, ən azı ildə bir filmə çəkilir. Onun filmoqrafiyasında 200-dən artıq film var. Son illərdə çəkildiyi “Fortuna” macəra trilleri və “Babar” kriminal dramı uğur qazanıb.

news-inner-user
Aliyə

999 məqalə

Oxşar xəbərlər

Xəbər lenti

"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021