news-inner
clock08:30 calendar-gray 06 May 2015 view-gray237 dəfə oxunub
view-gray237 dəfə oxunub

Hüseyn Ariflə Qabilin içkini tərgitməsi – GİZLİ ƏDƏBİYYAT

Kulis “Gizlin ədəbiyyat” layihəsindən Ülfət Kürçaylı “Bir günün sərgüzəşti” yazısını təqdim edir.

Hüseyn Ariflə şair Qabil küçədə rastlaşırlar. Ayaq saxlayaraq hal-əhval tutub söhbətə başlayırlar. İllərlə Hüsü Hacıyevdəki yazıçıların binasında eyni mərtəbələrdə yaşamış, qonşuluq etmişdilər. Sonra Hüseyn Arif Basin küçəsindəki doqquzmərtəbə binaya köçmüşdü.

Söhbət edib gəzişə-gəzişə gəlib çıxırlar dənizkənarı bulvara. Yaz havasında bir neçə dəfə o başa-bu başa gedirlər. Əvvəlcə ədəbiyyatdakı durğunluqdan söz açırlar. Sonra Musiqili Komediya Teatrının yanında ucaldılmış qoşa doqquzmərtəbənin köhnə binaların qonşuluğunda naqolay görkəmindən danışırlar. Daha sonra sahildəki salxım söyüdlərin pərişan mənzərəsindən ilhama gəlirlər. Lakin cavanların bəzən bu titrək budaqlı ağacların xəlvətindən xoş olmayan niyyətləri üçün istifadədə bulunduqlarını qeyd edirlər. “Mirvari” restoranının yanından bir də keçəndə Qabil deyir:

- Ay Hüseyn, bəlkə keçib bir az oturaq, yorğunluğumuzu alaq, ayaqlarım ağrıdı.

- Olar, olar, qadan alım, yaxşı fikirdi – deyib Hüseyn Arif gedir restorana sarı, şair Qabil də dalınca. Hərəyə bir-iki şiş nərə kababı yeyib, bir şüşə arağı aşırırlar. Üstündən də adama bir stəkan pürrəngi çay içib, qalxıb düzəlirlər yollarına. Qabil deyir, yaxşıdı, az içdik. Elə deyil, qədeş?

- Elədi, elədi, qadan alım. Vaxtında durduq – cavab verir Hüseyn Arif.

İki qələm dostu ay işığında gəzə-gəzə gəlib çıxırlar Natəvanın heykəlinin qabağına. Ayaq saxlayıb söhbət edə-edə o yan-bu yana boylanırlar. Birdən Qabil deyir:

- Qədeş, lap yoruldum. Evə xeyli var. Bəlkə özümüzü verək “Novbahar”a. Hava dəydikcə adam acıyır.

- Düzdü, qadan alım, lap acdım – deyib Hüseyn Arif burulur “Novbahar” restoranının tininə, Qabil də arxasınca. İçəri keçib əyləşirlər. Hərəyə bir-iki şiş tikədən-lülədən yeyib, bir şüşə də burda boşaldırlar. Bir azdan oranı tərk edib yenə üz tuturlar evlərinə sarı. Qabil yolda qəfildən ciddiləşib deyir ki, ay qədeş, elə bil çox oldu, tərgitmək istəyirəm içkini, evdə də söz-söhbət olur.

- Elədi, elədi, qadan alım – deyir Hüseyn Arif – söz-söhbət olur. Mən də tərgidirəm. Daha bu gündən qurtardı.

Boş küçələrlə gəzişə-gəzişə gəlib çatırlar şair Qabil yaşayan evin tağına. Əl tutub qucaqlaşıb öpüşürlər. Hüseyn Arif çevrilib bir addım atmamış Qabilin səsini eşidir. Ayaq saxlayır, dönüb məzlum-məzlum Qabilə baxır.

- Ay Hüseyn, deyirəm, bəlkə, qalxaq bizə? Bir az da eyvanda oturaq özümüzçün. Hava da əladır. Evdə zapas bir şüşə varımdı. Bu zəhrimarı tərgitməyimizi qeyd etməliyik, ya yox?! Hüseyn Arif “lazımdı, lazımdı” deyib tağın altından keçib dönür hələ bir neçə il əvvəl özünün də yaşadığı binanın həyətinə. Arxasınca da Qabil. Gəlib çatırlar şair Qabilin blokunun yanına. Birdən Hüseyn Arif yalvarıcı səslə deyir:

- Qadan alım, Qabil, bir yüngülcə işim var, nətəhər olsun?

Qabil deyir, qədeş, evə qalxırıq də, nə qalıb ki. “Yox” deyir Hüseyn Arif, “Bəyim bacıdan utanıram. Bəlkə burada bir yer ola?” Qabil əlini uzadıb həyətin divarı boyu sıralanan şam ağaclarını göstərir.

- Ver özüvü yolkaların altına, qədeş.

Hüseyn Arif Qabilin göstərdiyi yerə gedib girir ağacların arasına. Qabil də yaxınlıqda durub üzünü yana çevirir. Gecə saat on iki olar. Qabil beş dəqiqə şırıltı səsinə qulaq asa-asa dözür. Görür şırıltı kəsilmir. Hövsələsini basıb bir beş dəqiqə də gözləyir. Şırıltı səsi kəsilmək bilmir ki, bilmir. Daha dözməyib çevrilir ki, ay Hüseyn, bəsdi də, gəl çıxaq gedək! Görür Hüseyn Arif bir əli şamın gövdəsində, o biri belində göydə aya baxır, fikrə gedib. İki addım o yandakı krandan isə su şırıltıyla axır...

Digər yazılar:

Süleyman Rüstəm Əbülhəsəni necə aldatdı?

Əlfi Qasımovun yas yerində içdiyi zoğal arağı

Oxşar xəbərlər

Xəbər lenti

Filmimiz Parisdə nümayiş olundu
18:49 19 Oktyabr 2020
Rəssamlar İttifaqı Silahlı Qüvvələrə Yardım Fonduna ianə edib
18:11 19 Oktyabr 2020
Niyə inşa edilmişdi, üstündən kimlər keçdi? - Xudafərin körpüsü
17:28 19 Oktyabr 2020
Azərbaycanlı yazıçı koronavirusa yoluxdu
16:52 19 Oktyabr 2020
Az qalıbdır, Qarabağı qucmağa - Ordumuz haqda şeirlər
16:07 19 Oktyabr 2020
Məşhur meyxanaçılar Qarabağa klip çəkdi - Video
15:28 19 Oktyabr 2020
Atalığı onu zorla diləndirdi, əri ona görə dinini dəyişdi, səhnədə dirijoru söydü – Xalq artistinin film kimi həyatı
14:51 19 Oktyabr 2020
Zamin Hacı Füzulinin azad edilməsindən danışdı: “Sürpriz oldu”
14:10 19 Oktyabr 2020
Şərif Ağayarın romanı Fransada çap olundu
13:30 19 Oktyabr 2020
Cəbhəyə şəkil çəkdirməyə gedən məşhurlar
12:44 19 Oktyabr 2020
Türk ulduzlardan Azərbaycana qardaş dəstəyi: “Hər zaman yanınızdayıq”
12:10 19 Oktyabr 2020
Qadınlar ağlaya-ağlaya bizdən imdad diləyir - Tolstoyun qızı erməni vəhşiliyindən yazır
11:20 19 Oktyabr 2020
Məşhur rus yazıçısı vəfat edib
10:45 19 Oktyabr 2020
Nuri Bilge Ceylanın filminə 470 min avroluq dəstək
10:02 19 Oktyabr 2020
Rus aktyor: “Rusiya TV-ləri erməniləri müdafiə edən yalanlar danışır” – Müsahibə
08:58 19 Oktyabr 2020
Azərbaycan bayrağı – Günün şeiri
11:03 18 Oktyabr 2020
Dostu üzünə durdu, şərlənərək həbs olundu, yaddaşını itirdi... - Məşhur yazıçımızdan maraqlı faktlar
16:30 17 Oktyabr 2020
Şərqli atanı cəzalandıran olacaqmı?
15:33 17 Oktyabr 2020
Dağlar buludlardan uca olardı - Rayonu azad olunan şairdən şeir
14:36 17 Oktyabr 2020
Anası Füzulidə, atası Bakıda dəfn olunan aktyor: "Onları qovuşduracağam"
13:51 17 Oktyabr 2020