writer1

Şərif Ağayar

Məqalə sayı

550
clock12:24 calendar-gray 24 Aprel 2015 view-gray264 dəfə oxunub
view-gray264 dəfə oxunub

Şərəfnisənin Axundovdan çox bilməsi

Dostumuz Sevinc Elsevərin belə bir şeiri var:

Güləndə gizləyə bilirəm

dişimdəki qara dəliyi,

ağlayanda yadıma düşmür

İlk baxışdan sadə görünən bu misraların inanılmaz məna çalarları vardır.

Gülüş səmimi hadisə deyil.

Qondarmadır.

Beyin məhsuludur.

Axundov istehzası hadisələrin inikasından daha çox ona yazıçı reaksiyasıdır.

Axundov hardasa həqiqətdən “yaxa qurtarmaq”, onu “yola vermək” üçün gülüşdən üsul kimi istifadə edir.

Elə bir müstəvi var ki, orda Şərəfnisə Axundovdan çox bilir və daha xoşbəxtdir.

Özünəironiya insanın ən böyük aldanışıdır.

İnsan tək qalanda, özüylə səmimi olanda gülmür, ironiya etmir, özünü daha çox dramatik ladda tanıyır.

Özünəironiya başqalarına gülən zaman eqoist görünməmək üçün bicliklə icad olunmuş çıxış yoludur.

İnsan mahiyyətcə faciəvidir.

Buddanı narahat edən üç vacib məsələ BÖYÜK KƏDƏRİ əbədi olaraq qidalandırır: yoxsulluq, qocalıq və ölüm.

Budda insanları bu üç bəladan xilas etmək üçün yola çıxdı.

Bacardımı?

Bacardı, demək olar, amma “süni yolla” insanın təbii instinktlərinin üstünə qalxaraq.

Onun təbiətə tapınmağı bu süniliyin kompensasiyası idi.

Buddaya görə, insan təfəkkürünü köməyə çağırmadan xilas ola bilməz.

Ancaq bu təfəkkürlə qazanılanlar insanın canına o qədər hopmalıdır ki, doğallaşsın, beyin yox bədən hadisəsi kimi meydana çıxsın.

İşıq keçicidir.

Kosmosun fonu qaranlıqlardır.

Komediya bu qaranlıqlar üzərində işıq fokusları yaratmaqdır.

Komediya dərdin yüngülləşdirilərək ifadəsidir.

Mirzə Cəlilin ağrısı qarşısındakı gülüş də kədərlidir.

İnsan məğlubiyyətə məhkum olduğu üçün komediyayla “baş girələmək” zorundadır.

İnsan özünü gülüşə məhkum edir.

İnsanın azadlığı qaranlıqlarda və ümidsizliyin sonsuzluğundadır.

“Don Kixot” həm də ona görə dahiyanə əsərdir ki, gülüşün üzdə, göz yaşının dərinlərdə olduğundun ən parlaq sübutudur.

“Don Kixotu” oxuyub yalnız gülən adam təhlükəlidir.

Gülüş təzahür, göz yaşı mahiyyətdir.

Gülüş köpük, göz yaşı çaydır.

Gülüş faciəvi aqibətlər üzərində ümid gəzişmələri kimi çıxır ortaya.

Gülüş göz yaşının təzahürü olmayanda lağlağıya, məzəyə çevrilir.

Gülüş nə həqiqətin tam ifadəsidir, nə də buddist soyuqqanlılıq.

Gülüş - ifadə edə bilməmək, ancaq yekəxanalıq edib laqeyd də qala bilməməkdir.

Gülüş - cahilcəsinə təslim olmamaqdır.

Tanrıya qarşı insanın ən güclü silahıdır.

...Və şeytana quyruq sallamağın ən rahat yoludur.

Gülüş təbiətə etirazdır.

Dağ-daş, meşə-çay təmkini qarşısında insanın yüngüllüyüdür.

Gülüş aşağılayıcı tavır, göz yaşı alçaqkönüllü jestdir.

Gülüş göz yaşından yüngüldür.

Ona görə həmişə üzdədir və populyardır.

REKLAM

Yazarın digər yazıları

Xəbər lenti

Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021
Milli Qurtuluş Günü münasibətilə konsert proqramı təqdim edildi
11:22 15 İyun 2021
Cavanşir Yusiflinin ən çox sevdiyi 10 roman - Siyahı
10:58 15 İyun 2021
Heç utanırsan, Ayxan?
10:35 15 İyun 2021
Füzulidə kitab sərgisi açılıb
09:53 15 İyun 2021
Ankarada Yunus Əmrənin 700 illiyi keçirilib
09:47 15 İyun 2021
Azərbaycanlı yazıçı koronavirusdan vəfat edən anası haqda hekayə yazdı – Mətn
09:01 15 İyun 2021
Aşıq Ədalətin oğlu: “İkimiz də ağlaya-ağlaya bir-birimizə baxırdıq” – Müsahibə
21:00 14 İyun 2021
Reza Deqatinin Əfqanıstanda çəkdiyi fotoşəkillər sərgilənib
18:54 14 İyun 2021
"Yüz ilin adamları”: Toğrul Nərimanbəyov – Yeni veriliş
18:33 14 İyun 2021
Mədəniyyət xadimlərinə mükafatlar təqdim edilib
18:01 14 İyun 2021