writer1

Şəhriyar del Gerani

Məqalə sayı

67
clock21:41 calendar-gray 08 Mart 2015 view-gray887 dəfə oxunub
view-gray887 dəfə oxunub

Dünya səviyyəli 8 Mart yazım

Şəhriyar del Gerani

Kim nə deyir desin, “8 mart” deyəndə yaddaşımın uzaqlarında zaman-zaman özünə həmsöhbət axtaran bu sadə və sevgili sözcüklər ... Deyirəm ki, hər dəfə “8 mart” deyəndə yaddaşımın intəhasız uzaqlarında zaman-zaman özünə həmsöhbət axtaran bu sadə və sevgili sözcüklər pıçıldaşır:

“səkkiz martdır, anacan,
gəl öpüm üz-gözündən”...


Bu, körpə təbəssümü qədər ilıq və məzmunsuz ahəngdarlıqdan nə qədər sevgi duyulur. Elə, sevginin özü də sadə deyilmi? Sevirsən, vəssəlam. Yəni, sadəcə sevirsən. Başqa heç nə.

Kim nə deyir desin, həyatın özü də çox sadədir əslində. Sadə dediyim iki üstə gəl iki yox, hətta bu xırda riyazi hesablama belə qəliz görünür o sadədillikdə. Sadəcə toplananların bir tərəfi - iki. Düz sözümdü, eləcə iki kimi sadədir həyat – bir, iki...

Demək istəyirəm ki, həyat dediyiniz o “nədirsə” həddindən ziyadə üzdə olan bir şeydi. Dərinliklərdə heç nə yoxdu. Adamlar ona görə dərinliklərə baş vurur ki, darıxırlar. Özlərindən labirinitlər uydururlar. Bilirəm, çox danışdım. Heç bilmirəm bu uzunçuluq kimə lazım idi. Nə isə, keçək mövzumuza.


Elə qadınlar var ki, onları balıq yaddaşıyla sevmək istəyirsən. Yəni, ən böyük yaddaşsızlıqla. Unudub bir də sevmək. Dönə-dönə sevmək. Sevə-sevə unutmaq. Unudaraq sevmək. Gözəldi, deyilmi? Hər gün eyni qadına vurulmaq. Hər gün eyni qadından ayrılmaq. Lənətə gəlmiş romantika. Görün gəlib harda biabır elədi məni. Özü də bu əziz gündə.

Kim nə deyir desin, qadını xoşbəxt etmək mümkün deyil. Onlar, yalnız özləri istədiyi vaxt xoşbəxt ola bilirlər.


Mən, Freydi xatırlayıram. Freydin uzun-uzadı illərdən sonra əfkari-ümumiyyəyə məlum gəldiyi qənaət beləydi: “30 ilimi qadın psixologiyasını öyrənməyə həsr elədim. Ancaq bu böyük sualın cavabını tapa bilmədim: qadınlar nə istəyir”?

Oskar Uayld (yeri gəlmişkən, bu yaxınlarda mənə feysbukda dostluq təklifi də etmişdi. İstədim girib inboxuna yazım ki, - müəllim, burda özünüzsüz?) isə sanki Freydə cavab verirmiş kimi - Qadın anlamaq üçün yox, sevilmək üçün yaradılıb – deyir.

Əminəm, bu gözəl və mübarək əsrimizin dahisi isə onlara belə cavab verəcək nə vaxtsa: “bir kişi gərək o qədər səfeh olmasın ki, qadını ancaq anlamaq istəsin. O qədər də kütbeyin olmasın ki, ancaq sevsin. Vəssəlam”...

Sevən qadınlar isə bir başqa olurlar. Zarafatsız deyirəm. Sevən qadın qədər möhtəşəm varlıq tanımıram. Təsəvvür elə, sən ona - əzizim, mən, il uzunu, 365 gün yalnız və yalnız səni düşünürəm – deyirsən. O isə gözlərini qıyıb soruşur – bəs, yerdə qalan 5 saat 46 dəqiqədə neynirsən?

Bunu lap çoxdan yazmışdım. Sonra götürüb hansısa şairin adına çıxdılar.

Onlara inanmayın. İşləri gücləri mənim mətnlərimi onun-bunun adına çıxmaqdı. Təki qanqaraçılıq olsun...


Xatirimdə müdhiş bir hadisə silkələnməkdə. Baxın, yazının ən gözəl yeri burasıdı. Götürün sosial şəbəkələrdə paylaşın öz adınıza. Ciddi sözümdü.

Günlərdən “8 mart” idi. Yerli televiziya kanallarından birində “Xocalı kadrları” göstərilirdi. Beş yaşlı bacım oğlu toppuş əllərinin hər ikisini ekrana uzadaraq, donmamaqçün ayaqlarını şərflə bürmələyib axsaya-axsaya üzü bəri gələn orta yaşlı qadını göstərib soruşdu - dayı, o xalanın da səkkiz martıdı? Beş yaşlı uşağın qarşısında fürsət bulunca dərsdən yayınan üzüqara şagird misali – yox, qaqoni, o xala ömründəki bütün “8 mart”lara on gün gecikmiş birisidi – deyə şairanə cavab verdim. Əlbəttə, uşaq heç nə başa düşmədi. Bilirəm. Heç özümə də tam olaraq aydın olmayan cavabım hələ də məni düşündürməkdə.

Dünya səviyyəli təbrik yazıma Sokrat babamızla xitam verirəm. "Qadını gözəl olan adam xoşbəxt olar. Gözəl olmayan isə filosof". Sonra da deyirsiz Azərbaycanda niyə filosof yetişmir.

Nə isə. Bayramınız mübarək əzizi-möhtərəmlər. Kökəlməkdən qorxmayın. Arıq qadınlar tez unudulur. Dedim xəbəriniz olsun...))

REKLAM

Yazarın digər yazıları

Xəbər lenti

“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021
Ceyms Bond silsiləsindən yeni filmin premyerası yenə təxirə salındı
13:29 22 Yanvar 2021
Azərbaycanda Böyük Britaniya film festivalı başlayır
12:44 22 Yanvar 2021
Tənqidin tənqidi – Ağalar Qutdan yeni esse
12:08 22 Yanvar 2021
Yazıçılar Donald Trampa kitab qadağası qoydular
11:32 22 Yanvar 2021
Seks dəlisi olan qadınlar haqqında bir neçə cümlə
10:58 22 Yanvar 2021
Alen Delonun xanımı dünyasını dəyişdi
10:30 22 Yanvar 2021
Şairimiz Özbəkistanda qalib oldu - Ölümündən sonra
09:59 22 Yanvar 2021
Mirzə Cəlilin əsəri əsasında çəkilmiş serial – Sevda Sultanova İTV-nin yeni layihəsini tənqid etdi
09:00 22 Yanvar 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:13 21 Yanvar 2021
Xalq şairinin oğlu: “Atamın xəstəliyini hamıdan gizlətdim” - Müsahibə
20:00 21 Yanvar 2021
Tarix Muzeyinə direktor təyin edildi
18:59 21 Yanvar 2021