writer1

Gülnaz Məmmədli

Məqalə sayı

9
clock15:56 calendar-gray 24 Fevral 2015 view-gray1766 dəfə oxunub
view-gray1766 dəfə oxunub

Əyalətdə uşaqlı qadının subay oğlanla evlənməsi

Əyalətin darıxdırıcı və monoton həyatına rəng qatan əsas nəsnələrdən biri də dedi-qodulardı və belə dedi-qodularda camaatın əksəriyyəti canla-başla iştirak edir. “Simsiz teleqraf”lar xəbəri hər yerə ötürürlər. Sizə deyim ki, pıçıltıyla danışılan xəbərlər yüksək səslə danışılanlardan tez yayılır.

Sonuncu belə hadisə cavan yaşda dul qalan, 2 körpə uşaqlı qadının subay oğlana ərə getməsi oldu. Qadının adını qoyaq Rüxsarə... Azərbaycanda dul qadının subay oğlanla evlənməsi heç vaxt birmənalı qarşılanmayıb.

2-3 dəfə arvad boşayan kişinin bakirəylə evlənməsi nə qədər normaldırsa, dul və ya boşanmış qadının subay kişi ilə evlənməsi o qədər anormal hal hesab edilir.

Bu dəfə də istisna olmadı. Oğlanın anası “açıqlama” verdi ki, oğlunu yoldan çıxardıblar, cadu ediblər. Söz verdi ki, oğlu bir gün geri qayıtsa ona 15 yaşlı bakirə qız alacaq.

Oğlan qayıtmadı. Rayon camaatı hətta bu ailəyə müddət qoyub bəhsə girdi. Söhbət təzə səngiyirdi ki Rüxsarənin hamilə olması xəbəri yeni bir “bomba partlatdı”.

Şok, şok, şok!

Rayon sakinləri əmindi ki, Rüxsarə oğlanı özünə bağlamaq üçün hamilə qalıb.

Dul və ya boşanmış qadınların ailə həyatı qurması hər zaman belə maraq doğurur, daha doğrusu ajiotaj yaradır. Onlarla ailə quran kişiləri isə natamam hesab edirlər. Düşünürlər ki, normal kişi belə qadınla evlənməz, ancaq “saxlayar”. Belə qadınlarla evlənən kişilərə yaxşı baxmırlar, çox vaxt kişi hətta öz valideynləri tərəfindən qəbul edilmir.

Bütün ölkə boyu belədi. Həyat yoldaşını döydüyünə və ağır xəsarət yetirdiyinə görə boşanmış kişi ikinci, hətta üçüncü dəfə evlənə bilər, ona qız verən tapılacaq, amma qadının ikinci evliliyi xoş qarşılanmır. Axı niyə?!

İnsanların fikrincə dul və ya boşamış qadın ancaq:

Birincisi:

İkinci arvad ola bilər. Bir qadın boşanarkən və ya dul qalarkən ikinci arvad saxlamaq istəyən kişilər “leş qarğaları” kimi cumurlar o qadına tərəf.

Xəbər yollamalar, vədlər, şirnikləşdirici hədiyyələr...

Seksual həyatını rəngləndirmək istəyən ailəli kişi üçün ən optimal variant budur. Ərindən boşanmış və ya dul qalmış qadın təmiz hesab olunur.

Hətta bu qadına rəfiqələri “gündə biriylə gəzməkdənsə daimi saxladığının olması daha yaxşıdı, xəstəlik zad olmaz” deyə təsəlli də verirlər.

İkincisi:

Yaşca özündən böyük, dul və uşaqlı kişi ilə ailə qura bilər. Belə olan halda da əgər qadının birinci nikahından övladı varsa həmin uşaq qadının anasında qalır. Yəni ailəyə uşağı aparmaq müzakirə belə olunmur (əksər hallarda).

Bu “sıradan və normaldı”. Çünki “heç bir kişi başqasının uşağına atalıq etmək istəməz”. Halbuki, qadın kişini uşaqlarını qəbul edir, hətta yaşı imkan verirsə birini də doğur.

Üçüncü variant:

Qadının öz ayaqları üstə durması müzakirə olunmur belə. Qadınların özləri də inanıblar ki, kişisiz qadın heç nədi, bu mümkünsüzdür. Qadının “üstündə” kişi olmalıdır, döysə də, söysə də olmalıdır. Qadınlar özləri buna inanıblar.

Belə qadağaları qoyan yaşlı nəsildi. Onların çoxunun nənələri və anaları Böyük Vətən Müharibəsində həlak olan ərlərinə ömür boyu yas saxlamayıb.

Böyük Vətən Müharibəsindən sonra dul qadınların çox olduğu zamanlar belə evliliklər normal qarşılanırdısa indi vəziyyət dəyişib.

Hətta bu insanlara Məhəmməd peyğəmbəri belə misal gətirəndə təsir etmədiyinin şahidi olmuşam, ancaq halbuki, çox şeyə dini prizmadan dəyər verirlər.

Qadın olmağın onsuz da çətin olduğu bu cəmiyyətdə dul və boşanmış qadınlara “ikinci əl qadın” kimi baxılması çox acıdı.

Ailəsindəki kişilərin ağır namus yükünü öz çiyinlərində daşıyan qadın.

Hətta boşandıqdan sonra belə ərinin namusu sayılan qadının özünün dünyaya gətirdiyi oğlan övladı tərəfindən “namus” üstündə öldürülmə ehtimalı olan qadın.

Ən çox həmcinsləri tərəfindən qınanan qadın.

Sanki kimsə qadınların bir gün öz güclərinə inanacağından və onların həyatda var olmaları üçün kişilərə ehtiyacı olmadığını anlayacağından qorxur.

Amma bir gün qadınlar bunu anlayacaq.

“İkinci əl qadın” olmur, atam balası!

REKLAM

Yazarın digər yazıları

Xəbər lenti

Mübariz Örəndən yeni hekayə: İlıq
21:00 13 İyul 2020
Nərgiz İsmayılovanın yeni monoqrafiyası nəşr olundu
18:44 13 İyul 2020
Bollivud ulduzu koronavirusa yoluxdu
18:02 13 İyul 2020
Payızda vağzala getməyəsən... - Poetik etüdlər
17:36 13 İyul 2020
Mirmehdi Ağaoğlunun Türkiyədə hekayələr kitabı çap olundu
17:18 13 İyul 2020
On beş ilin salamı – Kənan Hacı yazır
16:39 13 İyul 2020
Bu gün “Vətən borcu” filminin premyerası olacaq
15:51 13 İyul 2020
Tənqidin sərhədləri - Qismətin Tomas Eliotdan tərcüməsi...
15:10 13 İyul 2020
Məşhur müğənni kitab yazdı
14:25 13 İyul 2020
Koronavirusa həsr olunan film çəkilir
13:37 13 İyul 2020
Elvis Preslinin nəvəsi intihar etdi
12:56 13 İyul 2020
Qanıyla torpağa “Qarabağ” yazan, son nəfəsdə şikəstə oxuyan, mina ilə tankın altına sürünən Azərbaycan əsgəri – Müharibə əhvalatları
12:15 13 İyul 2020
Ötən günün müharibə həyəcanı - Samirə Əşrəf yazır...
11:37 13 İyul 2020
Gevorkovun bacısı qızı ilə gəzən azərbaycanlı – Mahir yazır...
11:05 13 İyul 2020
Məşhur rəsm əsəri 22 milyon dollara satıldı
10:30 13 İyul 2020
Yazıçımızın hekayəsi Gürcüstan ədəbiyyat portalında
09:34 13 İyul 2020
“Mücrü” jurnalının baş redaktoru: “Ayağım nəşriyyata düşərli olmadı” – Müsahibə
09:00 13 İyul 2020
Xalq artisti koronavirusa yoluxdu
14:28 12 İyul 2020
Qızını ölən qızının həyat yoldaşına verdi, oğlu intihar etdi, nəvəsi güllələndi... – Axundov haqqında inanılmaz faktlar
12:15 12 İyul 2020
Anar özünün ən uğurlu hekayəsini seçdi – Mətn
11:44 12 İyul 2020