writer1

Sevda Sultanova

Məqalə sayı

860
clock11:50 calendar-gray 23 Yanvar 2015 view-gray444 dəfə oxunub
view-gray444 dəfə oxunub

Xalqımızın ana söyüşü ilə imtahanı

Nailə adlı riyaziyyat müəlliməmiz vardı məktəbdə.

Riyaziyyatı ona görə sevmişdim.

Dərsi heç bir müəllimdə olmayan xüsusi bir entuziazmla, sevgi ilə keçirdi.

Nailə müəllimənin vuran əli də vardı. Arada səs salanda çubuqla uşaqların əlindən vururdu, saçlarını, qulaqlarını dartırdı. Əksər azərbaycanlı müəllimlər kimi.

Bir dəfə Şahnaz adlı qız dərsini oxumadığı üçün onun saçlarını dartdı. Bu an gözləmədiyimiz bir şey baş verdi. Şahnaz onu vurduğu üçün müəllimə etiraz elədi: “Siz artıq neçənci dəfədir məni vurursuz, buna sizin haqqınız yoxdur”.

Nailə müəllimə pərt oldu, nə deyəcəyini bilmədi, dodağının altında nəsə mızıldandı. Və ondan sonra kimsəyə əl qaldırmadı.

Sovet illərində də, elə indinin özündə də müəllimin uşağı vurması, ünvanına təhqiramiz sözlər deməsi bir növ normadır. Yadıma gəlir, müəllimə “uşaq dinc durmadı, oxumadı vur, icazə verirəm” deyən valideynlər də vardı.

Böyüklərin uşağı təhqir etməsi, döyməsi mentallığımızda tərbiyə metodunun vacib hissəsidir. Bu, həm də böyüklərin uşağa mülkiyyət kimi yanaşmasıdır.

Tasrağagün xəbər yayıldı ki, Bakıda 118 saylı məktəbin direktoru Qardaşxan Kərimov yuxarı sinif şagirdlərini təhqir edib.

Şagirdlər direktordan dərsə gəlməyən müəllimin başqa müəllimlə əvəz olunmasını istəyib. Əvəzində direktor pedaqogika elmində analoqu olmayan cavab verib: “Atanız evdə olmayanda məgər onu başqa ata ilə əvəz edirsiniz?” .

Direktorun cavabı nədən xəbər verir? Belə çıxır ki, məktəblərdə sayğısızlıq, təhqir o qədər normadır ki, direktor bunu rahatlıqla deyib.

Fəqət, mühüm, incə bir nüansı unudub.

Unudub ki, onun “atanız evdə olmayanda məgər onu başqa ata ilə əvəz edirsiniz?” ifadəsi bizim heç cürə həzm etmədiyimiz ana-bacı söyüşü kateqoriyasına aiddir.

Bizdə fərdin mənzilini, torpağını əlindən ala bilərlər, pulunu yeyə bilərlər, döyə bilərlər və vətəndaş bunu alçalmaq kimi qəbul etməz.

Amma ruslar demiş, “ne day boq” ana-bacı kateqoriyasında sərhədi keçəsən, vəssalam, işin bitdi….

Qardaşxan müəllim də necə olubsa, ölçü hissini itirib. Bəlkə də başqa kateqoriyalı söyüş söysəydi, ya da şagirdlərin qulaqlarından dartsaydı, veclərinə də olmazdı…

Ümumən baş verənlərdə bir dənə müsbət cəhət odur ki, illərlə bizə təlqin olunan müqəddəs müəllim obrazı dağılıb. Ana-bacı müqəddəsliyi isə əbədidir. Nəyisə, kimisə müqəddəsləşdirmək təhlükəli şeydir. Çünki, müqəddəslik bütləşdirməkdir. Bütləşdirmək, heç şübhəsiz diktaturaya aparır.

Bütlər dağılan cəmiyyətdə isə normal insani münasibət mütləq olur.

REKLAM

Yazarın digər yazıları

Xəbər lenti

Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021
Xalq artisti Arif Quliyev dəfn olundu - Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021
Çarşablı bir qadın onu küçəyə atıb getdi, nişanlısı başqasını sevdi, soyadı olmadığı üçün pionerə keçirmədilər - On doqquz “ana”sı tapılan Arif Quliyevin dəhşətli həyatı
12:14 07 May 2021
Küçədə alça yeyən Arif Quliyev və təbəssümünü itirən uşaqlığımız
11:37 07 May 2021
Gənclik və qocalıq haqda ən gözəl şeir - Mətn
10:54 07 May 2021
Faiq Ağayev Arif Quliyevdən yazdı - Foto
10:17 07 May 2021
Müharibə futbol kimidir - Cəbrayıl Dövlətzadə haqqında roman
09:00 07 May 2021