writer1

Sevinc Elsevər

Məqalə sayı

106
clock08:30 calendar-gray 13 Yanvar 2015 view-gray243 dəfə oxunub
view-gray243 dəfə oxunub

Eynəkli uşağı lağa qoymaq

Bir insanda ən çox qiymətləndirdiyim xüsusiyyət fərqli düşünməyi bacarmasıdır. Hər hansı bir hadisəyə, fikrə, əşyaya fərqli yanaşmağı bizlərdə çox az adam bacarır. Öz fikri, öz fəlsəfəsi, öz inamı, öz həyat tərzi, düşüncə tərzi olan adamlar azdır.

Az-çox olanlar da təsadüfi hallarda üzə çıxır və çoxlu adam üçün ya pis, ya yaxşı örnək olurlar. Fərqli olmaq üçün adamda ən azı bir uşaq saflığı olmalıdır. Beş uşaq götürün nümunə üçün. Onların hamısına eyni sualı verin. Yağış necə yağır? Allahı necə təsəvvür edirsən? Şaxta baba hardan gəlir? Və s. Baxacaqsan ki, hər uşağın cavabı az da olsa bir-birindən fərqlənir. Əlbəttə, uşaqlar böyüklər tərəfindən şablon cavablarla artıq silahlandırılmayıbsa. Bu mənada uşaqlara bol-bol imkan vermək lazımdır ki, xəyallarını genişləndirsinlər və ayrı-ayrı məsələlər ətrafında fikir yürütsünlər. Böyüdükcə də özlərinin hər bir hadisəyə, fikrə fərqli yanaşması olsun.

Məhz fərqli yanaşmaq qabiliyyəti azdı deyə bizim cəmiyyətimiz bozdur, monotondur. Bədbəxtlik gələndə hamımıza birdən gəlir. Tutaq ki, şadlıq da hamımıza birdən üz verir. Beynimizi işlətməyə ərinirik. Çıxış yolu axtarmağa üşənirik.

Son vaxtlar intiharlar, qətllər də bu cür artır. Başımız sıxışanda özümüz çıxış yolu aramaq əvəzinə qonşudan örnək alırıq. Məsələn, keçən il bu vaxtı Məmmədin oğlu 50 min borca düşmüşdü. Kişinin oğlu özünü körpüdən atdı, canı qurtardı. Mənim də başıma eyni şey gəlibsə, niyə özümü körpüdən atmayım?

Gülnisənin qızının nişanı qayıtmışdı. Damarlarını doğramışdı. Mənimki də qayıtdı. Mən niyə durmuşam?!

Filankəsin arvadı başqa kişiyə qoşulub qaçdı. Arvadı da, kişini də tapıb doğradı. Mən bunu eləyə bilmirəmsə, onda nə kişiyəm? Filankəsdən nəyim kəmdi?

Hər addımda uşaqlarımın “başqaları nə deyər” kompleksiylə üzləşirəm. Xarici cizgi filmlərindən, oxuduqları kitablardan örnəklər gətirə-gətirə bu kompleksləri aşmaqlarına kömək edirəm. İstər-istəməz başqa uşaqların içinə girir, onların önyarğıları ilə üzləşirlər. Qızıma keçənilki məktəb formasını geyindirirəm. Təzədən xərc çəkməmək üçün. Həm də paltar yaxşı vəziyyətdədir. Bir qədər donu gödəlib. Bu mənim üçün də, atası üçün də problem deyil. Əvvəla, qızım hələ uşaqdı. Mənimçün onun cinsiyyəti yoxdu. O, sadəcə uşaqdı. Amma bəlli ki, başqa valideynlər artıq uşaqlarının arasında cinsi ayrı-seçkiliyi yaratmağa başlayıblar. Qızımla bir sinifdə oxuyan 10 yaşlı qızlar qısa ətəyi qızıma irad tuturlar. Qızıma öz fikri olmağın vacibliyini , özü üçün necə rahatdırsa, elə geyinməli olduğunu uzun-uzadı izah etməli oldum. Hələ eynəyini ümumiyyətlə, taxmaq istəmirdi. Baxmayaraq, həkimin məsləhəti belədir ki, yazıb- oxuyanda qətiyyən eynəyi çıxarmaq olmaz. Yanında başqa uşağı “dördgöz”, “professor” deyə ələ salmışdılar. Cəmi 10 yaşında uşaqlarda bu qədər qəddarlıq, bu qədər aşağılama kompleksi, “bizim kimi deyilsənsə... bizdən deyilsən” düşüncəsi hardan ola bilər? Əlbəttə, valideynlərindən əxz olunan xüsusiyyətlərdir.

“Can” adlı cizgi filminə baxır uşaqlar. Qəhrəmanlarından birinin gözləri görmür. Yoldaşları isə onun eşitmək qabiliyyətinə qibtə eləyirlər. Nə qədər eləyirlər eşitmə duyğularını onunku qədər inkişaf elətdirə bilmirlər. Axırda gözləri görməyən uşaq o birilərə necə yaxşı eşitməyin sirrini öyrədir. Eyni cizgi filmlərinə qızımla həmyaşıd bütün uşaqlar baxır. Sonra da məktəbə gəlib eynəkli uşaqları görəndə ələ salır, qəlbini qırmaq istəyirlər.

Filmlər, kitablar, deyilən nəsihətlər çox gücsüzdü. Bizim insanımız dəyişməyə, inkişafa, düşünməyə nifrət edir.

REKLAM

Yazarın digər yazıları

Xəbər lenti

Aygün Fətullayeva: "İstənilən rola çəkilərəm" - Video
21:02 25 Sentyabr 2020
Bakı caz festivalı yubileyini qeyd edəcək
18:50 25 Sentyabr 2020
Natali Portman kitab yazdı
18:15 25 Sentyabr 2020
AzTV “Diriliş Ərtoğrul” serialını yayımlayacaq
17:30 25 Sentyabr 2020
Məşhur rəssamın tablosu 80 milyon dollara satılır
17:02 25 Sentyabr 2020
Nobel mükafatının məbləği artırılacaq
16:25 25 Sentyabr 2020
Arvadını döyən tənha ata, öz qaynını sevən Həqiqət – Səriyyə xalaya çətin suallar gəldi
15:47 25 Sentyabr 2020
Qardaşlarından küsüb evdən getdi, ərli qadına aşiq oldu, dünyadan subay köçdü…– Maraqlı faktlar
15:08 25 Sentyabr 2020
"Salnaməfilm" Milli Qəhrəmanlar haqqında film çəkir
14:30 25 Sentyabr 2020
"YARAT”da sərgi
13:53 25 Sentyabr 2020
Paşinyanın arvadını neyləyəcəyik? – Sərdarın yazısı
13:10 25 Sentyabr 2020
Senatdan uyğurlarla bağlı şok təklif
12:31 25 Sentyabr 2020
Çingiz Abdullayevin gözə kül üfürməyi – Mirmehdi Ağaoğlu yazır...
11:51 25 Sentyabr 2020
Seymur Baycandan yeni kitab
11:13 25 Sentyabr 2020
Yekə döşlər, iri budlar? – Firuz Mustafa yazır...
10:40 25 Sentyabr 2020
Fəxrəddin Manafov xəstəxanaya aparılıb
10:00 25 Sentyabr 2020
Hər yanımdan məftillər sallanırdı - Bircənin romanı
09:00 25 Sentyabr 2020
“Qara dul qadın” filminin premyerası təxirə salındı
18:41 24 Sentyabr 2020
Bəxtin gətirmirsə, deməli...
18:04 24 Sentyabr 2020
Mən ki Allah deyiləm, uşaqları aldadım... – Yeni imza
17:25 24 Sentyabr 2020