writer1

Oğuz Ayvaz

Məqalə sayı

210
clock12:29 calendar-gray 07 Yanvar 2015 view-gray339 dəfə oxunub
view-gray339 dəfə oxunub

Şəhid xəbərinə gülən əsgər

Çağırışçı zabitin sözləri qulaqlarımda cingildəyirdi: “İşi çətin olacaq.” Qardaşımı vağzaldan yola salmışdıq. Zabitin laqeyd, bədbin sözlərini unutmamışdım. Evə gələndə bacımla gecəni səhər edə bilmirdik. Ayxanın qəfil yoxluğu içimizi göynədirdi. Düşündüm ki, sükutun hökm sürdüyü evimizə səs-küy gərəkdi. Dostumun məsləhəti ilə bir cüt tutuquşu alıb saxlamağa başladım. Sakit görünüşləri zaman keçdikcə dəyişdi. Qəfəsdə əməlli-başlı vay-şivən edən bu quşlar evimizin sakinlərinə çevrilmişdilər.

Daha sonra qardaşımızın andiçməsinə yollandıq. Şaxtalı fevral ayı idi. Lənkəranda onunla görüşdük. Ərincək, tənbəl Ayxandan əsər-əlamət qalmamışdı. Rejim onu əsl əsgər etmişdi. Üzünə rəng gəlmiş qardaşım toxtaq və gümrah görünürdü. Lənkəranın palçıqlı, gölməçəli küçələrini gəzir, deyib gülürdük. Vidalaşmaq vaxtı çatmışdı. Birdən Ayxan bizdən saatı soruşdu. Getməyinə yarım saat qalmışdı.

“Ürəyim çay istəyir”.

Bir-birimizə baxdıq. Ayxan gülümsündü: “Orda çayı növbəylə verirlər”.

Qardaşımın yekə stəkanda çay içməyi hələ də gözümün önündən getmir.

Həftələr, aylar bir-birini əvəz edirdi. İsti, bürkülü yay artıq gəlmişdi. Arada telefonla qardaşımızla əlaqə qura bilirdik. Həmişə deyirdi ki, narahat olmayın, çox yaxşıyam. Ən çox bacım narahatlıq keçirərdi. Bəzi günlərdə Ayxan üçün amansız dərəcədə darıxırdı. Mətbuatda çıxan informasiyalar isə həm ölkəmizi, həm də bizi dərin hüznə qərq etdi. Əsgər, zabitlərimiz şəhid düşmüşdü. Qardaşımın xidmət etdiyi zonalarda da atışmalar səngimirdi. Ayxan isə zarafatından qalmırdı, telefonda gülə-gülə: “Biz burda kef eləyirik”,-deyirdi. Ancaq əsgərlər ölürdü.

Yadıma düşür, gecə yarısı Facebookda hansısa xəbər portalının “Çoxlu sayda şəhid var” başlıqlı paylaşımını gördüm: Xəbər doğru idi. Amma bacımı təşvişə salmamaq üçün bunu ona demədim. Özümsə narahat oldum, gecə yata bilmədim. Hər dəqiqə qardaşımı düşünür, Tanrıya dualar edirdim. Bir yandan da Ayxan zəng eləmirdi...

Günlər çayın axdığı sürətlə uzaqlarda qalırdı. Vaxtın necə əriyib yoxa çıxdığını hiss etmirdik. Payız qapımızı kəsdirmişdi. Əsgər ölümlərinin çoxaldığı, Ayxanın zəng eləmədiyi bir vaxtlar qardaşım qəfil qapının ağzında peyda oldu. Sonradan bacım danışır: “Gedib girib qonşulara. Qapını açanda onunla üz-üzə gəldik. Əsgər paltarında Ayxan çox qəribə görsənirdi.”

Onun gəldiyi axşamı mən toyda idim. Bacım zəng etmişdi ki, səncə kim gəlib bizə? Sonra telefonda Ayxanın səsi eşidildi...

Aylardan sonra aldığım ən gözəl xəbər idi. Evdə görüşdük. Üzü gülürdü. Elə biz də özümüzü çox şad hiss edirdik. On gün içində cəmi bir dəfə evdə qaldı, yəni ancaq gecələr görünürdü evdə. Deyirdi ki, məzuniyyətin dadını çıxardıram. Yenə həmin səfil həyatına qovuşmuşdu.

Nəhayət 365-ci gün gəlib yetişmişdi. Yeni ili qeyd edirdik. Həmin gecə içib yatdım. Heç yeni il atəşfəşanlığına da baxmadım. Səhəri gün gözlərimiz saatda qalmışdı. Ayxan nə vaxt gələcək? Qapımız nə vaxt döyüləcək?

Ayxan gəldi. Onun gəlişi sözün əsl mənasında evimizə xoşbəxt an gətirmişdi. Heç birimiz kövrəlmədik. Deyib-güldük. Ayxan isə söhbətə başlar-başlamaz dedi: “Bu gün də iki əsgərimiz şəhid oldu...”

REKLAM

Yazarın digər yazıları

Xəbər lenti

Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021
"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021
Netflix “Leyli və Məcnun” filmini çəkdi: Azərbaycanlı oğlan və İndoneziyalı qız - Video
14:31 15 Yanvar 2021
Şuşaya Üzeyir bəylə qayıtmağın fəziləti
14:07 15 Yanvar 2021
Kişiləri öldürüb özü uzun yaşayan qadınlarımız: Dəhşətli statistika
13:29 15 Yanvar 2021
Tacikistan mediası "Nizami ili"ndən yazır
12:45 15 Yanvar 2021