writer1

Mirmehdi Ağaoğlu

Məqalə sayı

543
clock11:28 calendar-gray 15 Dekabr 2014 view-gray76 dəfə oxunub
view-gray76 dəfə oxunub

Nəvəsini, arvadını öldürənlərin siyahısı

Həmişəki axşam yeməyindən sonra anamın: “Narahat olmayın, uşağın səhər tezdən durmağının qorxusu yoxdur. Siz işə gedəndə dalınızca ağlasa da sakitləşdirəcəm. Artıq öyrəşib mənə” deməyinə bacımın zarafatla verdiyi cavab (Sənin kimi deyən nənələri çox görmüşük, sonra da nəvəsini boğur) ətimi ürpərtdi.

Bun nədir, ilahi? Yəni faciənin kraterindəmi dayanmışıq?

Bu artıq hamımızın potensial qatil olmağımız deməkdirmi?

Kimin sabah hansı amansızlıqla qətl törədəcəyini bilmək olmaz mənasına gəlirmi?

Bir zaman ancaq filmlərdə killerlərin törətdiyi amansız qətlləri artıq hər birimiz rahatlıqla törədə bilərikmi?

Artıq bu qətlləri törədənlərin bizdən fərqli, travmatik, xəstə, nəyisə çatışmayan biri olmaması, bizim kimi normal olduqları anlamınamı gəlir?

Altı aylıq nəvəsini öldürən nənə dünən bizim avtobusa yer verdiyimiz qadınlardan biri deyildimi?

Altı ay əvvəl evləndiyi xanımını öldürən cavan oğlan iki gün əvvəl küçədə ayağımızı tapdalayıb sonra üzr istəyərək gülümsəyən oğlan deyildimi?

Bəs nə oldu bizə?

Ətrafımızda daha nə qədər potensial qatil var?

Onları necə tanıyaq?

Bəlkə özümüz də potensial qatilik?

Xəbərimiz yoxdur?

İş zarafat həddinə gəlibsə...

Tıxacda maşını qaydasında sürməyib bizi ləngidən qabaq maşının sürücüsünü döymək keçirsə ürəyimizdən...

Yaşıl işıqda yolu keçən piyadanı maşından enib əzişdirmək istəyiriksə...

Avtobusu bərk sürən sürücünü “manterovkalamaq” istəyiriksə...

Metroda basabasa salıb bizi itələyən cavan oğlanı yumruqlamaq istəyiriksə...

Facebookda statusumuza artıq-əskik şərh yazan adamı tapıb payını vermək istəyiriksə...

...

Demək biz də qatil deyilmiyik?

Sabah da bizdən hansısa amansızlığı gözləmək olmazmı?

İki kitablıq “Anna Karenina” əsərinin lap əvvəllərində baş qəhrəman özünü qatarın altına atmış yaşlı kişini görür. Bu epizodik hadisə əsərdə heç bir süjetin inkişafında yardımçı olmur. Az qala oxucu da bu hadisəni unudub gedir. Bir də ikinci kitabın sonunda Anna o kişini xatırlayıb özünü qatarın altına atır. Əsərin əvvəlində Annanın alt şüuruna yerləşən hadisə sonradan onun başına gəlir, özünü üzə vurur.

Tolstoy demək istəyir ki, heç nə itmir, hər bir hadisə altşüurumuzda özünə bir hücrə qazanır, zamanı gələndə üzə çıxmağı gözləyir.

Hər gün KİV-lərdə gördüyümüz, nəvəsini boğan nənə, altı aylıq arvadını güllələyən cavan oğlan, yetmiş yaşlı arvadını baltayla parçalayan baba qatilləri beynimizin harasına yazılır görəsən?

Allah eləməmiş, bunlar əgər bir gün üzə vurarsa...?

Hamımız amansız qatilik.

Paylaş

REKLAM

Yazarın digər yazıları

Xəbər lenti

Mübariz Örənin Fransada romanı çıxır
14:32 17 Noyabr 2019
Fikrət Sadıqın oğlu: “Atama görə davalara düşürdüm” – Müsahibə
17:30 16 Noyabr 2019
Rusiyada rəssamımızın sərgisi açılıb
16:12 16 Noyabr 2019
Mikayıl Müşfiqin xatirəsinə həsr olunan tamaşa
15:11 16 Noyabr 2019
Oğluna bacısı qızını alan ananın faciəsi - Hekayə
14:00 16 Noyabr 2019
TEAS Press Nəşriyyat Evinin 5 yaşı tamam olur
13:29 16 Noyabr 2019
Bizdə seks inqilabı olarsa...
12:25 16 Noyabr 2019
Azərbaycanlı ilahiyyatçı: "Quranda baş örtüyü yoxdur"
11:32 16 Noyabr 2019
Elçin Əlibəyli TV-dən getdi
10:47 16 Noyabr 2019
Noyabr ayı üçün ən çox gözlənilən filmlər
10:12 16 Noyabr 2019
Siyasətə görə atası ilə düşmən olan jurnalist - Sevda Sultanova yazır...
09:00 16 Noyabr 2019
Salam Qədirzadənin oğlu: “Atamın adından istifadə eləməyi xoşlamıram” – Müsahibə
21:00 15 Noyabr 2019
Pantomima teatrı dekabrda - Afişa
18:40 15 Noyabr 2019
Məşhur ifaçı Bakıda konsert verəcək
18:01 15 Noyabr 2019
Dünya şöhrətli musiqiçi: “Vikinqlərin vətəni Azərbaycandır”
17:30 15 Noyabr 2019
Bakıda Milli Qəhrəmanın heykəlinin açılışı olub
16:51 15 Noyabr 2019
Müğənnilər deputata cavab verdi: “Getsin, kasıb-kusuba əl tutsun”
16:20 15 Noyabr 2019
Mir Cəlal adına hekayə müsabiqəsinə start verildi
15:38 15 Noyabr 2019
Üzü günə qalan evlər - Tanımadığımız şairdən seçmə şeirlər
15:01 15 Noyabr 2019
Rəfael və Coşqun "Şabaş"a görə qadın paltarı geyindi
14:20 15 Noyabr 2019