Opera və Balet Teatrında "Qıpçaq rəqsləri" - Premyera

Opera və Balet Teatrında "Qıpçaq rəqsləri" - Premyera
1 oktyabr 2021
# 16:01

Oktyabrın 9-da Azərbaycan Dövlət Akademik Opera və Balet Teatrında görkəmli rus bəstəkarı Aleksandr Borodinin "Qıpçaq rəqsləri" baletinin premyerası keçiriləcək.

Teatrın mətbuat xidmətindən APA-ya verilən məlumata görə, "Qıpçaq rəqsləri" ilə yanaşı həmin axşam N.Rimski-Korsakovun "Şəhrizad" baleti də nümayiş olunacaq.
Opera və Balet Teatrının quruluşunda "Qıpçaq rəqsləri" baleti rəngarəng dekorasiyaları və zəngin kostyumları ilə diqqəti cəlb edir. Tamaşanın quruluşçu baletmeysteri Əməkdar artist, sənətşünaslıq üzrə fəlsəfə doktoru Samir Səmədovdur. Musiqi rəhbəri və dirijoru Xalq artisti, professor Yalçın Adıgözəlov, quruluşçu rəssam Azərbaycanın Xalq rəssamı, Dövlət mükafatı laureatı Rafiz İsmayılovdur.

Tamaşada əsas partiyaları Əməkdar artist Nigar İbrahimova, Xalq artisti Gülağası Mirzəyev, truppanın gənc solistləri Fatimə Xələfova, Zəhra Tanrıverdiyeva və Seymur Qədiyev ifa edəcəklər.

Qeyd edək ki, A.P.Borodin "Knyaz İqor" operasının bir hissəsi olan "Qıpçaq rəqsləri"ni 1875-ci ilin yayında Moskvada qələmə alıb. Bütünlükdə bəstəkar bu opera üzərində 18 il işləyib, lakin tam olaraq yazıb başa çatdırmayıb. Borodinin ölümündən sonra onun musiqi materialları əsasında A.Qlazunov operanı tamamlayıb, N.Rimski-Korsakov isə klavirin böyük bir hissəsini orkestr üçün işləyib. Operanın premyerası 23 oktyabr 1890-cı ildə Sankt-Peterburqun Mariinski teatrında baş tutub. Xoreoqraf L.İvanovun quruluş verdiyi "Qıpçaq rəqsləri" tamaşaçılarda dərin təəssürat oyadıb. Sonradan "Qıpçaq rəqsləri" müstəqil balet tamaşası kimi bir çox teatrlarda səhnəyə qoyulub.

# 4488 dəfə oxunub

Oxşar xəbərlər

Musiqili Teatrının direktoru Əliqismət Lalayev işdən çıxarıldı

Musiqili Teatrının direktoru Əliqismət Lalayev işdən çıxarıldı

18:18 4 aprel 2025
Kukla Teatrının aprel repertuarı

Kukla Teatrının aprel repertuarı

15:03 1 aprel 2025
"Xurşidbanu Natəvan"  Şəki Dövlət Dram Teatrında

"Xurşidbanu Natəvan" Şəki Dövlət Dram Teatrında

13:55 1 aprel 2025
Prezident İlham Əliyev Şəfiqə Məmmədovaya “İstiqlal” ordenini təqdim edib - FOTOLAR

Prezident İlham Əliyev Şəfiqə Məmmədovaya “İstiqlal” ordenini təqdim edib - FOTOLAR

12:58 29 mart 2025
Naxçıvan Dövlət Milli Dram Teatrı  Türkiyədə festivalda - Fotolar

Naxçıvan Dövlət Milli Dram Teatrı Türkiyədə festivalda - Fotolar

12:19 29 mart 2025
Şəfiqə Məmmədova “İstiqlal” ordeni ilə təltif edilib - Sərəncam

Şəfiqə Məmmədova “İstiqlal” ordeni ilə təltif edilib - Sərəncam

11:37 29 mart 2025
# # #