C. Cabbarlı adına İrəvan Dövlət Azərbaycan Dram Teatrında görkəmli sənətkar, Xalq yazıçısı Elçinin “Stalin” pyesi əsasında Əməkdar mədəniyyət işçisi İftixar Piriyevin quruluşunda qeyri-səlis məntiq sistemi ilə hazırlanan “Stalin – İzm” tamaşasının məşqləri aparılır. Rejissor “Stalin”i “Stalin – İzm” konsepsiyası ilə təqdim edib.
Kulis.az xəbər verir ki, tamaşada Stalin repressiyasına məruz qalmış xalqların, o cümlədən də Azərbaycanın elm və sənət xadimlərinin taleyindən qara xətt kimi keçən dramatik və faciəvi hadisələr müasir teatr ifadə vasitələri ilə mizanlaşdırılır.
“Qlobal mədəni mühit mlli koloritlə yoğrularaq səhnə təcəssümünə çevrilir. Acı talelərin canlı faciəsini əhatə edən gərgin hadisələr cərəyanı ilə zənginləşən epizodlar biri digərini əsaslandıran ştrixlərlə öz dinamikasını inkişaf etdirir. Bu proses müəllifin Stalin personajı tipində və onun ideoloji düsturunda formalaşdırdığı dramaturji materialdan irəli gələn, “sovetlər ölkəsi”nin “həbsxana cəmiyyəti” strukturunda idarə edilməsinə ömrünü vermiş qaniçən vandalın həyat hekayəsini eskizləyən tablosunda, müəllufin orijinal formada qurduğu səhnə-oyun üslubunda – Elçin teatrı strukturuna uyğun təzahürdə səciyyələnir. Bu orilunal yaradıcılıq prosesi müəllifin rejissor təxəyyülü ilə paralelləşən duyğusal hisslər məcmusudur.
Tamaşada obrazları Xalq artisti Sabir Məmmədov, Əməkdar artistlər Esmiralda Şahbazova, Xatirə Süleymanova və digər aktyorlar canlandırır. Səhnə əsərinin premyerasının mayın 13-də keçirilməsi planlaşdırılıb”,-deyə o əlavə edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər