Dünən qəfil ölən aktyordan nələr qaldı? - 18 yaşlı oğlu, daim yanında olan qızı, yeni başladığı layihə... - Fotolar

Dünən qəfil ölən aktyordan nələr qaldı? - 18 yaşlı oğlu, daim yanında olan qızı, yeni başladığı layihə... - Fotolar
19 mart 2021
# 11:28

Xəbər verdiyimiz kimi ötən gün axşam saatlarında gənc aktyor, ssenarist Ramiz Hüseynzadə qəfil dünyasını dəyişib. Kulis.az aktyorun həyat və yaradıcılığında diqqət çəkən məqamları təqdim edir.

Ramiz Hüseynzadə 1979-cu il sentyabrın 8-də Bakıda anadan olub.

Bir zamanlar Azərbaycanda yumor proqramları arasında “nömrə 1” olan “Tək səbir”in yaradıcılarından olub.

Ramiz müxtəlif televiziya kanallarında müəllif, aparıcı və prodüser olaraq çalışıb. “Taksi” verilişinin prodüseri, “Tək səbir” verilişinin baş prodüseri, “Arı şou” verilişinin yaradıcısı və aparıcısı olub. 2008-ci ildən “ARI Production”ın təsisçisi və rəhbəri kimi fəaliyyət göstərib.

Ramiz Hüseynzadə bir sıra sevilən filmlərin ssenaristi olub. Müəllifi olduğu həmin filmlərdə aktyor kimi də iştirak edib və xüsusi bacarığı ilə seçilib.

O, “Toy” (II), “Hippokrat andı”, “Yumurta (II)”, “Hozu”, “Samedik”, “Toydan sonra nağara” və s. filmlərin ssenaristi, prodüseri olub. Çalışdığı filmlərin əksərində aktyor kimi də rol alıb.

Aktyorun ölüm xəbəri yayılan zaman onun ürəktutmasından dünyasını dəyişdiyi bildirilsə də, ardınca ölüm səbəbi dəqiqləşdirilərək beyin qan sızması baş verdiyi açıqlandı.

Mərhumun dostlarının məlumatına görə o, yüksək təzyiqdən əziyyət çəkirmiş. Onun avtomobildə ikən vəziyyətinin pisləşdiyi və elə sükan arxasında dünyasını dəyişdiyi bildirilir.

Ölümündən bir müddət əvvəl yeni layihəyə başlayıbmış. Yeni işləri ilə bağlı çox sevincli imiş. İdarə etdiyi restoranda həftənin müəyyən günləri “Stand-up” şoular təşkil edir, ölkənin tanınmış stəndapçıları həmin məkanda tamaşaçıların qarşısına çıxırmış.

İki oğlu, bir qızı var: İlkin, Abdul, Məryəm... Böyük övladının 18 yaşı var. Sosial şəbəkələrdə paylaşdığı fotolarda daim qızı Məryəmin onun yanında olduğunu görürük.

Allah rəhmət eləsin.

# 23050 dəfə oxunub

Oxşar xəbərlər

Sevgilisi ilə birgə ərini öldürən qadın - Hamamda ölü tapılan reklam qurbanı kim idi?

Sevgilisi ilə birgə ərini öldürən qadın - Hamamda ölü tapılan reklam qurbanı kim idi?

09:00 2 aprel 2025
"O heç vaxt dəyişmədi..." - Sənətdə yaxın döyüşün ustası

"O heç vaxt dəyişmədi..." - Sənətdə yaxın döyüşün ustası

12:00 25 mart 2025
Heydər Əliyevin astaralı agenti – “Alagöz” kim idi?

Heydər Əliyevin astaralı agenti – “Alagöz” kim idi?

10:45 25 mart 2025
Pilotluqdan nazir kürsüsünə - Deputatımız Brejnevin həyatını necə xilas etmişdi?

Pilotluqdan nazir kürsüsünə - Deputatımız Brejnevin həyatını necə xilas etmişdi?

10:00 25 mart 2025
Abdullah Cövdət kimdir? - Azər Turan

Abdullah Cövdət kimdir? - Azər Turan

13:35 24 mart 2025
"Çox vaxt bu evə gizlin gələrdi" - Heydər Əliyevin uşaqlığının və gəncliyinin keçdiyi evdən reportaj

"Çox vaxt bu evə gizlin gələrdi" - Heydər Əliyevin uşaqlığının və gəncliyinin keçdiyi evdən reportaj

09:00 20 mart 2025
# # #