"Yenə görüşəcəyik gələn ildə..." - Anar

"Yenə görüşəcəyik gələn ildə..." - Anar
2 oktyabr 2026
# 13:10

Kulis.az Xalq yazıçısı Anarın yeni şeirlərini təqdim edir.

Şükür, şükür, min şükür,
Azad oldu Şuşamız,
Qaytarıldı Qarabağ.
Yoxsa mən nə edərdim? -
Bu dünyadan ümidsiz,
Peşman, nakam gedərdim.


***
Şeir yazmaq asandır,
Qafiyə tapmaq çətin.
Qafiyəsiz olanda
Şeir sayılmır mətn.

Fikri, hissi, duyğunu
Ölçülü vəznə yatır.
Yıpranmış qafiyələr
Yenə dadıma çatır.


***
Dostlar bir-bir gedirlər,
Bax, bu belə zamandır.
Axırda tək qalmayım,
Tək qalmayım, amandır.

Amma o da doğrudur,
İnsanların içində
Tənha olmaq yamandır.


***
Ağır-ağır axan sular axır bir gün bitəcəkdir,
Dərin-dərin dərələr də dumanlarda itəcəkdir.
Salxım-salxım buz saçaqlar səkilərə süzüləcək,
Uzaq-uzaq iqlimlər də üfüqlərə düzüləcək.
Qalın-qalın qapılar da qapanacaq, bağlanacaq,
Qara-qura qəbirlər də meyitlərsiz boş qalacaq.
Yalnız-yalnız yalquzaqlar yollar üstə ulayacaq,
Çirkli-çirkli çamurlar da çəmənləri bulayacaq.
Süni-süni sürücülər səmalara od vuracaq.
Amma, amma...
Dərdlər dərbədər olacaq, dünya daima duracaq.


Unutmaq istəyirəm xatirələri

Dənizin səsi gəlir

Nigar Rəfibəyli

Yayın son günüdür,
Payızın səsi gəlir.
Səksən birin yazında qışı yaşayanda mən,
Elə bilirdim artıq,
Payızın səsi gəlir.

Demə, insan ömrünün özəl fəsilləri var,
Payızdan sonra qış yox, yenə də gəlir bahar.
Sevinməsin bədxahlar,
Səsi gələn payız da
Sonuncu fəslim deyil.

Salam, payız. Əlvida.
Yenə görüşəcəyik
Gələn ildə, o yayın axırıncı günündə,
Bu ölümsüz həyatda
Bu vəfalı dünyada.

Sentyabr 2026

# 4261 dəfə oxunub

Oxşar xəbərlər

Tanınmış hind yazıçıdan "Yazmağın 10 qaydası"

Tanınmış hind yazıçıdan "Yazmağın 10 qaydası"

15:00 18 noyabr 2026
Motsartı fəth edən "Mehtər marşı", qəhvə və aypara çörək...  - Vyana türklərdən nələri öyrənmişdi?

Motsartı fəth edən "Mehtər marşı", qəhvə və aypara çörək... - Vyana türklərdən nələri öyrənmişdi?

12:00 17 noyabr 2026
“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

10:00 17 noyabr 2026
Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

16:00 15 noyabr 2026
"Amerika modernizminin anası"nın səhrada tapdığı sirr - "Qarğalı kanyon"

"Amerika modernizminin anası"nın səhrada tapdığı sirr - "Qarğalı kanyon"

13:45 15 noyabr 2026
Kağızlar, möhürlər və insan həyatını məhv edən sistem - İşgəncə otaqlarında nələr baş verir?

Kağızlar, möhürlər və insan həyatını məhv edən sistem - İşgəncə otaqlarında nələr baş verir?

16:00 13 noyabr 2026
Ana səhifə Reels Yazarlar Xəbərlər