“Musiqili Komediya Teatrının “Evlənmə” tamaşasında Aqafya Tixonovnanı artıq üç il idi ki oynayırdım. Yenə də oynaya bilərəm, sadəcə işlərim çoxdur, may ayında tədbirlərim var deyə o rolu dublyor aktrisaya həvalə etdim”.

Bu sözləri Kulis.az-a açıqlama verən xalq artisti Məleykə Əsədova söyləyib.

Məleykə Əsədova rollarının azaldılması ilə bağlı gəzən söz söhbətlərə aydınlıq gətirib: “Rollarım az görünə bilər, Akademik Milli Dram Teatrında cəmi bir rolum var. “Qadın məhəbbəti”ndə İngiltərə kraliçası Mariya Tüdoru oynayıram. Çox çətin obrazdı. Bilirsiniz, mən hər gün səhnədə oynayıb xırdalanan aktrisa deyiləm. Bir rolum var, amma yüz rola dəyər. Mənim oynadığım obrazlar çox çətin obrazlardı. “Misir gecələri”ni xatırlayın. Mən həmişə bir-iki obraz oynayıram, amma onlar böyük, məsuliyyətli rollar olur. Obrazları bir-birinə qarışdırmaq istəmirəm. Üstümə çox iş götürə bilmərəm, çünki təkəm, həm teatrda, həm televiziyada işlərimi çatdırmalı və övladıma vaxt ayırmalıyam”.

Xatırladaq ki, bir neçə gün öncə Azərbaycan Dövlət Musiqili Teatrının repertuarında gedən “Evlənmə” (N.Qoqol) tamaşasında aktrisa dəyişikliyi olub. Bundan sonra Aqafya Tixonovna rolunda, “ilin ən yaxşı aktrisası” adına layiq görülmüş Gültac Əlili oynayacaq. Sözügedən tamaşada Aqafya Tixonovna rolunda daha öncə respublikanın xalq artisti Məleykə Əsədova oynayıb.

• O, Heydər Əliyevin təklifini qəbul etmədiyinə görə niyə peşman olmuşdu? - Məmməd İsmayılın ziddiyyətlərlə dolu ömrü
• Rəsulzadənin istinad etdiyi, "sənət həyat üçündür" prinsipinə əməl edən şair - Onun əsərləri niyə qadağan edilmişdi?
• "Bu film sadəcə bir kəndin taleyi deyil, həm də..." - Tahir Tahiroviç