Azərbaycan Yaradıcılıq Fondunun mədəniyyət portalının təqdimatı oldu FOTOLAR

Azərbaycan Yaradıcılıq Fondunun mədəniyyət portalının təqdimatı oldu <span style="color:red;">FOTOLAR
9 sentyabr 2015
# 13:51

Bakı Beynəlxalq Multikulturalizm Mərkəzində Azərbaycan Yaradıcılıq Fondunun (AYF) mədəniyyət portalının təqdimat mərasimi keçirilib. APA-nın məlumatına görə, mərasimdə çıxış edən AYF-nin aparat rəhbəri Qismət Rüstəmov fondun fəaliyyəti haqqında danışıb.

O bildirib ki, fondun yaradılmasında əsas məqsəd yaradıcı şəxslərə, diqqətdən kənardan qalan elm və mədəniyyət xadimlərinə dəstək göstərməkdir. Q. Rüstəmov qeyd edib ki, saytda multikulturalizm ideyasına töhfə vermiş elm və incəsənət xadimlərinin fəaliyyəti işıqlandırılacaq: “Portal gündəlik köşə, araşdırma, esse, poeziya və nəsr nümunələri, eyni zamanda kino, teatr, musiqi, rəssamlıq, memarlıq və incəsənətin digər sahələrinə aid maraqlı materiallar təqdim edəcək. Portalda Azərbaycanda və xaricdə nəşr olunan kitablar haqqında resenziyalar, tanınmış incəsənət xadimləri ilə müsahibələr, müzakirələr və debatlar, dünya mədəniyyət irsi ilə bağlı tərcümə materialları dərc olunacaq”.

Azərbaycanın millətlərarası, multikulturalizm və dini məsələlər üzrə dövlət müşaviri Kamal Abdulla isə çıxışında qeyd edib ki, ölkədə son zamanlar tolerantlıq, multikulturalist ideyalar həyatın bütün sahələrində özünü göstərir: “Bu, ölkə başçısının ideoloji hədəflərindən biridir və biz bu hədəflərə doğru getməliyik. Bu istiqamətdə çox ciddi işlər görülür. Biz saytın fəaliyyəti ilə multikulturalizm sahəsində olan boşluğu doldurmaq niyyətindəyik. Ədəbiyyatdan, rəssamlıqdan uzaq düşmüş insanlar var. Biz həmin insanlara diqqət və qayğı göstərəcək, onları bir daha öz işlərinə qaytaracağıq. Mükafatlar, müsabiqələr təşkil etmək niyyətindəyik. Mən işimlə bağlı Azərbaycanın bölgələrində oldum. Bölgələrdə qruplarla bekar gənclər gördüm. Biz bu gənclərə də sahib çıxmalıyıq. Bu gənclərin maariflənməsi üçün bölgələrdə mərkəzlər yaratmağı nəzərdə tuturuq. Həmin gənclər mərkəzlərdə təhsil alacaq və onları marağını artırmaq üçün müəyyən sertifikatlar, hətta təqaüdlər də veriləcək. Qoy, universitetə qəbul ola bilməyən gənclər, burada özlərini universitetdəki kimi hiss etsinlər. Yəni, öz bacarıqlarını kəşf etsinlər”.

K. Abdulla multikulturalizmlə bağlı 3 kitab hazırlandığını söyləyib.

Sonra “sim-sim.az” saytında dərc olunan yazılar haqqında məlumat verilib.

Foto: İsmi Şahzadə

# 1289 dəfə oxunub

Oxşar xəbərlər

"Məhbuslar dənizdə batırılırdı, o vaxt Bakıda balıq ətindən kütləvi zəhərlənmə olmuşdu" - Ruhulla Axundovu niyə öldürmək istəyirdilər?

"Məhbuslar dənizdə batırılırdı, o vaxt Bakıda balıq ətindən kütləvi zəhərlənmə olmuşdu" - Ruhulla Axundovu niyə öldürmək istəyirdilər?

09:00 10 aprel 2025
Beyrək - Kamal Abdullanın yeni pyesi

Beyrək - Kamal Abdullanın yeni pyesi

16:00 8 aprel 2025
Bir dəqiqəlik sükut ölüm məşqidir - Zaman Paşazadənin şeirləri

Bir dəqiqəlik sükut ölüm məşqidir - Zaman Paşazadənin şeirləri

15:00 8 aprel 2025
Azərbaycan elminin əqidə şəhidi - O niyə özünə qəsd etmişdi?

Azərbaycan elminin əqidə şəhidi - O niyə özünə qəsd etmişdi?

13:00 8 aprel 2025
Bakılı gəncin Rusiyada başına gələnlər - Elnarə Qaragözova

Bakılı gəncin Rusiyada başına gələnlər - Elnarə Qaragözova

11:30 8 aprel 2025
Payız melanxoliyası - Babək Məmmədlinin yeni hekayəsi

Payız melanxoliyası - Babək Məmmədlinin yeni hekayəsi

09:00 8 aprel 2025
# # #