Böyük Britaniyanın Uorvik universitetinin təhqiqatçıları, həmişə reytinqlərdə dünyanın ən xoşbəxt xalqı kimi ilk yeri tutan danimarkalıların xoşbəxt olmasının səbəblərini aydınlaşdırıb. Kulis.Az-ın “Daily Mail” qəzetinə istinadən verdiyi məlumata görə, danimarkalıları xoşbəxt edən onların genləridir.
Danimarkalılar başqa xalqlardan fərqli olaraq, doğuşdan həyata pozitiv münasibəti ilə fərqlənirlər. İngilis alimlərinin 131 ölkənin nümayəndələri arasında apardığı araşdırmaya görə, genetik cəhətdən danimarkalılara yaxın olan xalqlar özlərini daha xoşbəxt hiss edirlər.
Danimarkalılara optimizmi, seratonin adlı xoşbəxtlik hormonunun yaranmasına səbəb olan xüsusi gen versiyası verir. Danimarkalılar digər millətlərdən fərqli olaraq, bu genin daha uzun versiyasına sahibdirlər. Xoşbəxtlik geni qısa olan adamların xoşbəxtliyi də qısa sürür.
BMT-in “Dünyada xoşbəxtlik” siyahısında ötən il də Danimarka ilk yeri tutub. Sonrakı yerlərdə Norveç, Hollandiya, İsveçrə və İsveç qərarlaşıb.
BMT-in siyahısında dünyanın ən bədbəxt ölkəsi Toqo olub.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
