ABŞ-da İsgəndəriyyə Kitabxanası, Nizami Gəncəvi Beynəlxalq Mərkəzi və Qarabağ Fondunun təşkilatçılığı ilə Nizami Gəncəvinin orijinal əlyazma və illüstrasiyalarından ibarət sərgi keçirilib.
APA-nın xəbərinə görə, tədbirdə çıxış edən İsgəndəriyyə Kitabxanasının direktoru, Dünya Elektron Kitabxanasının rəhbəri İsmayıl Seragəldin Nizaminin bəşəriyyətin mədəni və mənəvi zənginliyinin artırılmasında misilsiz xidmətləri olan ölməz şair, filosof və alim olduğunu vurğulayıb: “Nizami Gəncəvi şərq mədəniyyətinin atasıdır, o, doğulduğu və bütün həyatını yaşadığı Azərbaycanın sərhədlərindən çox kənarlara çıxaraq bütün dünya mədəniyyətinə misilsiz töhfə verib”.
Qarabağ Fondunun həmtəsisçisi Adil Bağırov Nizami sərgisinin önəmi və Amerika ictimaiyyətini diqqətinə çatdırılmasının əhəmiyyətin vurğulayaraq, sərginin dekabrın 20-nə kimi Qarabağ Fondunun mərkəzi ofisində davam edəcəyini söyləyib.
Sərginin açılışında Azərbaycan Dini Qurumlarla İş üzrə Dövlət Komitəsinin sədri Elşad İsgəndərov, Azərbaycanın ABŞ-dakı səfirliyinin əməkdaşları da iştirak ediblər.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
