19 İyul saat 16:00 da “Kitabevim.az” kitab marketində Hədəf Nəşrlərinin direktoru, detektiv yazar Müşfiq Xanın "Qatil üçün nekroloq" romanının təqdimatı keçiriləcək. Kulis.Azın məlumatına görə “Qatil üçün nekroloq” romanı orduda baş verən özbaşınalıqlardan bəhs edir.

Yazar eyni zamanda oxucularıyla ad gününü də qeyd edəcək.

Müəllifin dediyinə görə, romanımın ideyası orduda özbaşınalıq hallarının artdığı bir vaxtda yaranıb: “Təxminən bir il əvvəl bu ideya haqqında düşünməyə başladım. Bu günlərdə tamamladığım roman Azərbaycan ədəbiyyatında tərsinə detektiv alt janrında yazılmış ilk romandır.”

Hərbi xidmət zamanı zabit tərəfindən təhqir edilən əsgər, aldığı psixoloji sarsıntıdan sonra silsilə qətllər törədən qatilə çevrilir. Zəngin yaradıcı fantaziyası olan Oxtəkin adlı qatili ələ keçirmək ciddi problemə çevrilir. Bu zaman müstəqil xəfiyyə, istefada olan polkovnik, ailəsi ermənilər tərəfindən qətlə yetirilmiş Tomar Bəşirli cinayət hadisələrini araşdırmaq üçün fəaliyyətə keçir.

Qatilin romantik ovqatı, şeirə, şairlərə isti münasibəti detektiv romanlar üçün yenilik sayıla bilər .

“Qatil üçün nekroloq” sayca müəllifin 7-ci bədii kitabıdır.

Romanın redaktoru Kənan Hacıdır.

Ünvan: Kitabevim.az kitab marketi / Puşkin 32 (28 may metrosu, Dəmiryol xəstəxanasının yanı, AK center 2-ci mərtəbə )

• Katalanlar bu şəhəri necə yaratdı? - Barselonadan reportaj
• Xaricdə təhsil adı ilə insanları necə aldadırlar? - Bu şirkətlərlə ehtiyatlı olun!
• "Anora"nın ulduzu yeni filmdə