Azərbaycan Dil Qurumunun rəsmi internet saytı təqdim olunub

Azərbaycan Dil Qurumunun rəsmi internet saytı təqdim olunub
24 iyul 2013
# 17:02

Bu gün Vətəndaş Həmrəyliyi Partiyasının qərargahında Azərbaycan Dil Qurumunun rəsmi internet saytı təqdim olunub.


APA-nın məlumatına görə, “Adq.az” domenli saytın təqdimat mərasimində nəşriyyat redaktorları, jurnalistlər, yazarlar iştirak ediblər. Saytın rəhbəri Anar Niftəliyev bildirib ki, yeni istifadəyə verilən internet ünvan daha çox jurnalistlər, nəşriyyat əməkdaşları, tələbələr üçün nəzərdə tutulub.

Anar Niftəliyevin sözlərinə görə, sayt yarananda Milli Elmlər Akademiyasının Dilçilik İnstitutuna “Orfoqrafiya lüğəti” və “Azərbaycan dilinin izahlı lüğəti”nin elektron bazasının verilməsini xahiş etsələr də, institut vəsaitləri verməkdən imtina edib: “Onlar dedilər ki, nə izahlı lüğətin, nə də orfoqrafiya lüğətinin elektron variantı bizdə yoxdur. Yaxud Terminologiya Komissiyasına olan müraciətlərimiz cavabsız qaldı“.

Qeyd olunub ki, saytı yaratmaqda əsas məqsəd tələbələrin, jurnalistlərin və digər təbəqədən olan insanların Azərbaycan dilindən rahat istifadəsini təmin etməkdir.

Azərbaycan Dil Qurumunun sədri, millət vəkili Sabir Rüstəmxanlı saytın istifadəyə verilməsini əlamətdar hadisə kimi dəyərləndirib. S. Rüstəmxanlı bildirib ki, Azərbaycan dilinin mənzərəsini göstərmək baxımından bu tipli saytların fəaliyyəti çox vacibdir: “Hesab edirəm, sayt jurnalistikaya yeni gələnlər, tələbələr, yazarlar üçün çox önəmli vəzifəyə malik olacaq. Azərbaycan Dil Qurumunun bu saytı praktik əhəmiyyətə malikdir”.

Professorlar Qulu Məhərrəmli və Ramiz Əsgər, yazarlar Pərviz Cəbrayıl, Səlim Babullaoğlu, Şərif Ağayar saytın Azərbaycan dilinin öyrənilməsi üçün faydalı olacağını qeyd ediblər.

“adq.az” saytının yaradılmağında daha çox Türk Dil Qurumunun saytının keçdiyi təcrübədən istifadə olunub. Saytda video, audio bölmələr fəaliyyət göstərir. İstifadəçilər saytda “İzahlı lüğət”, “Orfoqrafiya lüğəti”, Terminologiya lüğətləri”ndən istifadə ilə yanaşı, “Kitabi-Dədə Qorqud” dastanını, Şah İsmayıl Xətainin “Divan”ını, Qazi Zəhirəddin Məhəmməd Baburun “Baburnamə” əsərini də oxuya biləcəklər.

# 2045 dəfə oxunub

Oxşar xəbərlər

Klassika, yoxsa plagiat... - "Yad et məni" şeiri oğurluqdur?

Klassika, yoxsa plagiat... - "Yad et məni" şeiri oğurluqdur?

15:00 20 may 2025
Çaldıran döyüşü Kərbəla faciəsinin ideoloji davamıdır - Fəxri Uğurlu

Çaldıran döyüşü Kərbəla faciəsinin ideoloji davamıdır - Fəxri Uğurlu

09:00 20 may 2025
Şeyxin müavini:  "İndiyə qədər buna oxşar kitaba rast gəlməmişəm"

Şeyxin müavini: "İndiyə qədər buna oxşar kitaba rast gəlməmişəm"

12:00 16 may 2025
Mənim atam... - Ədəbiyyat tarixinin ən kədərli mətnlərindən biri

Mənim atam... - Ədəbiyyat tarixinin ən kədərli mətnlərindən biri

09:00 16 may 2025
Bunu ilk dəfə Cəlil Cavanşir edib - Heç yaddaşı ağrıyan insan gördünüzmü?

Bunu ilk dəfə Cəlil Cavanşir edib - Heç yaddaşı ağrıyan insan gördünüzmü?

15:00 15 may 2025
"Əyləndiyi adamları xüsusi “işgəncə” ilə öldürməkdən zövq alırdı" - Romanın ən əxlaqsız imperatoru kim idi?

"Əyləndiyi adamları xüsusi “işgəncə” ilə öldürməkdən zövq alırdı" - Romanın ən əxlaqsız imperatoru kim idi?

12:00 15 may 2025
#
#
# # #