“Yazı” ədəbiyyat dərgisinin 7-ci sayı işıq üzü görüb.

Dərginin nəsr bölməsində Cavidanın “Rozariya” və Fərhad Yalquzağın “Dumana qarşı” romanları, Şahnaz Kamal, Ülviyyə Tahir, Həmid Piri, Arzu Həmzə, Azad Qaradərəli, Ruqiyyə Səfərinin hekayələri çap olunub.

“Bir kitab şeir” başlığında İradə Aytelin, poeziya başlığında isə oxucular Feyziyyə, Sara Selcan, Könül Həsənqulu, Səxavət Sahil, Taleh Eminoğlu, Aytən Nəsibbəyli, Məsumə Əhədin, Xəzangül və Aybəniz Əliyarlının şeirlərini oxuya biləcəklər.

“Sözümüzün yiyələri” adı altında Y. V. Çəmənzəminlinin bir hekayəsi və Eldar Baxışın şeirləri oxuculara təqdim olunur.

Çevirmə başlığında V.Hüqonun, B.Rasselin, İ.V.Hötenin və R.U.Emersonun, orjinaldan tərcümədə isə Q.Markesin, S.Moemin, Ş.Andersonun əsərləri dərc olunub.

Dərginin essestika bölümündə Niyazi Mehdinin və Rahid Uluselin elmi-fəlsəfi yazıları yer alıb. “Palirta” bölümü istedadlı rəssam Fərhad Yalquzağın rəsmlərinə həsr olunub.

Dərginin yeni sayında digər yazılarla da tanış olmaq olar.

“Yazı” dərgisinin yeni sayını həftənin sonunda “Azərmətbuatyayım”ın və “Metroservis”in köşklərindən əldə etmək mümkündür.

• Ədəbi və əbədi ehtiyac - Pərvanə Bayramqızı
• Kinotənqidçilər və Kinoşünaslar Gildiyasının mükafatına namizədlər
• Qardaşını və oğlunu şəhid verən yeganə Xalq yazıçımız Sabir Əhmədli kimdir?