İki dəfə Buker mükafatı almış Britaniya yazıçısı Hilari Mantel fentezi janrında yazdığı əsərinə görə konservativ siyasətçilər tərəfindən kəskin tənqidlərə məruz qalıb. Kulis.Azın məlumatına görə əsərdə Marqaret Tetçerin 1983-cü ildə İrlandiya Respublika Ordusu tərəfindən öldürməsi təsvir edilib.

Qatil Tetçerin gözlərinin əməliyyat olduğu klinika ilə üzbəüz binada yaşayan qadının mənzilinə girir və onun yataq otağından baş naziri qətlə yetirir.

“Marqaret Tetçerin qətli” adlı kitab sentyabrda satışa çıxacaq. “The Guardian” yazıçı ilə müsahibə yayımlayıb. Yazıçı deyib ki, 1983-cü ildə Tetçerin müalicə aldığı klinika ilə üzbəüz binada yaşayıb və onu bağçada gəzərkən görüb.

Mantel etiraf edir ki, antiqadınlığın təcəssümü olan Tetçerə həmişə mənfi münasibəti olub.

“The Daily Telegraph” qəzeti hekayəni yayımlamaqdan imtina edib.

Tetçerin yaxın dostu və keçmiş piar məsləhətçisi Tim Bell deyib ki, əgər kimsə kiminsə qətlini arzulayırsa bunu polis araşdırmalıdır. Mantel həkimə müraciət etməlidir.

Yazıçı bildirib ki, bu fikirləri əsaslandırılmamış sayır. O, izah edib ki, hekayəsində Tetçerin insanlarda nədən güclü emosiyalar doğurduğunu analiz edib.

• Allahı öldürən filosof - Fəxri Uğurlu
• Audiovizual Şuradan “Space TV”yə xəbərdarlıq
• Abdulla Elşadlı: "Get psixoloji dispanserə, sənin ciddi problemlərin var!" - Müsahibə