Professor İlham Rəhimlinin “Azərbaycan teatrı” silsiləsindən növbəti kitabı çapdan çıxıb.

Müəllifin Kulis.aza verdiyi xəbər görə, 68-ci tədqiqat əsəri olan “Gəncə teatrı” kitabı iki hissədən ibarətdir. Birinci hissə “Bakı Türk İşçi Teatrı” adlanır. Bu sənət ocağı 1921-1932-ci illərdə Bakıda fəaliyyət göstərib. 1933-cü ilin ilk günlərində Gəncə şəhərinə köçürülüb.

Hazırda Cəfər Cabbarlı adın Gəncə Dövlət Dram Teatrı adı ilə çalışır. Kitabın ikinci hissəsi Gəncə teatrının 1933-2014-cü illərdəki yaradıcılıq yolunu əhatə edir. Kitabda hər iki kollektivdə çalışmış görkəmli, məşhur və cəfakeş rejissor və aktyorlar barədə portret-oçerklər verilib. “Gəncə teatrı” kitabında xeyli tarixi şəkillər çap olunub.

İ.Rəhimlinin ikinci kitabı isə Təbrizdə çap olunub. Bu, “Azərbaycan teatrı” silsiləsindən olan “Təbriz Azərbaycan teatrı” kitabıdır və il dəfə 2005-ci ildə Bakıda nəşr edilib. Tədqiqat əsərində Təbrizin teatr mühitinin 1908-1946-cı illəri əhatə olunub.

Cənubi Azərbaycan şairi Əhməd Əsgərpur bu kitabın mətnini ərəb qarafikasına çevirib və onu Tehranda nəşr eltdirib. Nəfis şəkildə çap olunmuş kitabda müxtəlif tamaşalara, məşhur sənətkarlara aid yüzə yaxın şəkil verilib.

• "Emil Quliyevin filminə ötürə-ötürə baxdım" - Sevda Sultanova
• Valeh Məhərrəmli vəfat etdi
• Yatmış göyərçinləri azan səsi oyatdı - Ruslan Mollayevin şeirləri