Azərbaycan Dövlət Gənc Tamaşaçılar Teatrında Xalq Artisti, tanınmış teatr və kino aktyoru Süleyman Ələsgərovun anadan olmasının 100 illiyinə həsr olunmuş xatirə gecəsi keçirilib. Teatrın mətbuat xidmətindən Kulisə verilən məlumata görə yubiley iştirakçıları əvvəlcə teatrın foyesində sənətkarın yaradıcılığını əks etdirən fotosərgi ilə tanış olublar.

Əməkdar Artist Gülər Nəbiyeva Süleyman Ələsgərovun övladı Sevil xanımın obrazını canlandıraraq onun keçdiyi həyat yolu, təhsili, teatra olan sonsuz məhəbbəti, Dövlət Gənc Tamaşaçılar Teatrının səhnəsində canlandırdığı tamaşalar haqqında ətraflı məlumat verib.

Xalq artistləri Cəfər Namiq Kamal, Tariyel Qasımov, Yasin Qarayev, Ağaxan Salmanlı, Əməkdar Artistlər Lətifə Əliyeva, Nübar Novruzova çıxış edərək S.Ələsgərovla bağlı xatirələrini bölüşərək tərəf müqabili olduqları səhnə əsərləri, yaddaqalan qastrol səfərləri haqqında danışıblar.

• Xarici filmlərin istehsalı ilə bağlı görüş keçirildi
• Məcnun yenidən səhrada - Bu dəfə təqaüd kartı ilə
• "Adım bir kişi ilə hallanmayıb" - İlhamə Elşadqızı hakim qarşısında

Tədbirdə sənətkarın canlandırdığı tamaşalardan və çəkildiyi filmlərdən kadrların nümayiş etdirilib.

Sonda çıxış edən teatrın direktoru, Əməkdar Artist Mübariz Həmidov və sənətkarın qızı Sevil Əhədzadə çıxış edərək Süleyman müəllimlə bağlı xatirələrini tamaşaçılarla bölüşərək, tədbirin keçirilməsində əvəzsiz xidmətiləri olan Azərbaycan Respublikası Mədəniyyət və Turizm Nazirliyinə, sənətkarın yaxınlarına və onunla bir səhnəni bölüşən sənət dostlarına dərin təşəkkürlərini bildirdilər.

• Xarici filmlərin istehsalı ilə bağlı görüş keçirildi
• Məcnun yenidən səhrada - Bu dəfə təqaüd kartı ilə
• "Adım bir kişi ilə hallanmayıb" - İlhamə Elşadqızı hakim qarşısında