Gənc Tamaşaçılar Teatrının direktoru Mübariz Həmidov British Council Azərbaycan nümayəndəliyinin Mədəniyyət və Turizm Nazirliyi ilə əməkdaşlığı çərçivəsində həyata keçirdiyi “Teatr əməkdaşlığı” layihəsinin növbəti mərhələsini reallaşdırmaq üçün Böyük Britaniyalı teatr xadimi, yazıçı, tərcüməçi və teatr rejissoru Yan Vilyem Van Den Bohla görüşüb.

Görüş zamanı Azərbaycan Dövlət Gənc Tamaşaçılar Teatrında reallaşacaq yeni layihənin detalları müzakirə olunub və razılığa gəlinib ki, layihə çərçivəsində noyabrın 26-dan dekabrın 8-dək Yan Vilyem Van Den Bohun Gənc Tamaşaçılar Teatrının aktyor və rejissorları ilə təlimi keçiriləcək.

Həmçinin layihə çərçivəsində noyabr ayının 28-dən – 5 dekabr tarixlərinədək Liza Kukun iştirakı ilə ölkəmizin müxtəlif teatrlarından 20-ə yaxın səhnə dizaynerlərinə təlim keçiriləcək.

Təlimlərdən sonra 2014-cü il yanvar ayının 10-dan Yan Vilyem Van Den Boh Dövlət Gənc Tamaşaçılar Teatrının yaradıcı heyəti ilə birgə Maykl Mak Donaxın “Linenin trilogiyası” əsasında “Gözəllik ilahəsi”, “Qəbiristanlıq sakinləri” və “Yazıq qərb” adlı tamaşaların hazırlıq prosesinə başlayacaq.

Sözügedən növbəti Beynəlxalq layihədə Azərbaycanda ilk olaraq eyni tamaşaçının üç gün ərzində trilogiyanın tərkibində olan üç yeni tamaşa ilə tanış olmaq imkanı olacaq.

Tamaşanın ilk təqdimatı 2014-cü ilin mart ayında – Milli Teatr günü nəzərdə tutulub.

• Fatih Altaylının həbsi ilə bağlı açıqlama yaydılar
• Məhbus yoldaşını zorlanmadan xilas edən azərbaycanlı rəssam
• Rüstəm Behrudinin əsərləri türk və alman dillərində