Gənc Tamaşaçılar Teatrında iki yeni tamaşanın premyerasına hazırlaşır. Teatrdan Kulis.az-a verilən xəbərə görə, hazırlıq işləri yekunlaşmaqda olan ilk səhnə əsəri görkəmli italyan dramaturqları Dario Fonun “Markolfa” və Pepino de Filipponun “Don Raffael Tranbomçu” əsərlərinin motivləri əsasında “İtalyansayağı xoşbəxtlik” tamaşasıdır. Tamaşaya xalq artisti Cənnət Səlimova quruluş verib.

Tamaşanın bədii tərtibatçısı Zəminə Orucova, musiqi tərtibatçısı İradə Muradova, tryukların quruluşçusu İsa Əsədovdur. əsas rollarda Şövqi Hüseynov və Gülər Nəbiyeva çıxış edəcəklər. Tamaşanın baxışı iyun ayının 6-a nəzərdə tutulub.

Növbəti tamaşa məktəblilərin yay tətilinə planlaşdırılır.

• 8-ci kilometrin küçələrində dava eləmək üçün adam axtarırdıq - Kamal Abdulla
• "Anora"nın ulduzu yeni filmdə
• Rəsul Rza və Nigar Rəfibəylinin yeni kitabları təqdim olunacaq

Bu dəfə teatr “Balaca və damda yaşayan Karlson”u öz tamaşaçılarına təqdim edəcək. Məşhur İsveç yazarı Astrid Lindqrenin eyniadlı pyesi əsasında hazırlanan tamaşanın quruluşçu rejissoru Ukraynalı rejissor Tatyana Şevçenko, quruluşçu rəssamı Yelena Karpenko, baletmeyesteri Yekaterina Moreva, musiqi tərtibatçısı İradə Muradovadır.

“Balaca və damda yaşayan Karlson” tamaşasının isə iyun ayının 27-ndə keçirilməsi planlaşdırılıb.

• 8-ci kilometrin küçələrində dava eləmək üçün adam axtarırdıq - Kamal Abdulla
• "Anora"nın ulduzu yeni filmdə
• Rəsul Rza və Nigar Rəfibəylinin yeni kitabları təqdim olunacaq