Türkiyəli müğənni Füzulinin şeirini oxudu

Türkiyəli müğənni Füzulinin şeirini oxudu
18 mart 2013
# 10:23

Türkiyənin məşhur müğənnisi Halil Sezai dinləyicilərinə təqdim etdiyi son albomunda Azərbaycanın klassik şairi Füzulinin yaradıcılığına müraciət edib.

“Qafqazinfo”nun məlumatına görə, ümumilikdə 14 bəstənin yer aldığı “Ey aşk” adlanan albomda musiqi və şerlərin əksəriyyəti müğənninin özünə məxsusdur. Halil Sezainin albomunda yer alan “Aşk Yakar” mahnısı isə Füzulinin “Can vermə qəmi-eşqə ki, eşq afəti-candır...” misrası ilə başlayan və şairin “Leyli və Məcnun“ poemasında yer alan qəzəlidir.

Can vermə qəmi-eşqə ki, eşq afəti-candır,
Eşq afəti-can olduğu məşhuri-cahandır!

Sud istəmə sövdayi-qəmi-eşqdə hərgiz!
Kim, hasili-sövdayi-qəmi-eşq ziyandır!

Hər əbruyi-xəm qətlinə bir xəncəri-xunriz,
Hər zülfi-siyəh qəsdinə bir əfi ilandır!

Yaxşı görünür surəti məhvəşlərin, əmma
Yaxşı nəzər etdikdə, sərəncamı yamandır!

Eşq içrə əzab olduğun ondan bilirəm kim,
Hər kimsə ki, aşiqdir, işi ahü fəğandır!

Yad etmə qara gözlülərin mərdümi-çeşmin,
Mərdüm deyib aldanma kim, içdikləri qandır!

Gər dersə Füzuli ki: "Gözəllərdə vəfa var"
Aldanma ki, şair sözü, əlbəttə, yalandır

Qeyd edək ki, Halil Sezainin gələn ay Bakıya səfəri gözlənilir.

# 3798 dəfə oxunub

Oxşar xəbərlər

"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

12:00 24 aprel 2025
Çadrasını atan ilk azərbaycanlı qadının qətli – İki əsr yaşı olan bina söküləcəkmi?

Çadrasını atan ilk azərbaycanlı qadının qətli – İki əsr yaşı olan bina söküləcəkmi?

12:20 23 aprel 2025
Mikayıl Müşfiq mühasibdən pulu necə almışdı? - Tarixin kulisi

Mikayıl Müşfiq mühasibdən pulu necə almışdı? - Tarixin kulisi

09:00 23 aprel 2025
"Karamazov yox, Qaragözov" - Dostoyevski türk əsillidir?

"Karamazov yox, Qaragözov" - Dostoyevski türk əsillidir?

14:00 22 aprel 2025
"Belə hekayələrin yazılmasına ehtiyac var" - Müzakirə

"Belə hekayələrin yazılmasına ehtiyac var" - Müzakirə

12:00 22 aprel 2025
Nazsızdır fahişələr... - Rüstəm Behrudinin yeni şeirləri

Nazsızdır fahişələr... - Rüstəm Behrudinin yeni şeirləri

16:50 21 aprel 2025
# # #