Kulis.Az tanınmış aktyor Yuri Nikulinin qələmə aldığı lətifələri təqdim edir.

Qadın psixiatra şikayət edir:

- Son vaxtlar ərim özünü çox qəribə aparır, kofe içəndən sonra fincanı yeyir. Təkcə qulpu qalır.

Həkim təəccüblənir:

- Maraqlıdır niyə, qulp ki, ən dadlı yeridir?

***

Cavan oğlan psixiatrın qəbuluna gəlir. O, izah edir ki, heç bir problemi yoxdur. Sadəcə pambıq corabları sintetik corablardan daha çox xoşladığına görə qohumları onu həkimə getməyə məcbur ediblər.

Həkim deyir:

- Burda nə var ki, mən özüm də pambıq corabları daha çox xoşlayıram…

- Doğrudan - xəstə sevinir - həkim, siz onları necə xoşlayırsınız: bitki yağı ilə, yoxsa mayonezlə?

***

- Həkim mən neçə gecədir ki, bir qapını aça bilmirəm. Nə qədər itələsəm də xeyri olmur?

- Qapının üstünə nə yazılıb?

- «Özünə tərəf»

* * *

Bir həkimdən soruşurlar:

- Doğrudurmu ki, qadınlar kişilərdən çox yaşayır?

- Hər halda dul qadınlar, hə - deyə - həkim cavab verir.

***

Gecə saat 3-də telefon zəng çalır.

- Bura hamamdır?

Ev sahibi bağırır:

- Yox! Bura evdir.

Xəttin o başından səs əhvalını pozmadan soruşur:

- Bura hamam deyilsə, niyə çılpaqsan?

***

Bir narkoman «dostuna» zəng edir.

- Qoşa evdədir?

- Qoşa ölüb - cavab verirlər.

Bir-neçə dəqiqədən sonra, narkoman yenə zəng edir:

- Başa düşmədim, belə çıxır ki, o xaş-xaş dalınca getməyəcək?

***

Gecəyarısı zəng səsi:

- Əgər siz bu dəqiqə musiqinin səsini kəsməsəniz, mən polisə zəng edəcəm.

- Əşşi, musiqi xoşuna gəlmir, qonşu küçəyə köç!

- Qonşu küçə nədir? Mən qonşu rayondan zəng edirəm!

***

İki turist silah tapır. Silahı doldurub təxminən Xabarovska tərəfə tuşlayırlar. Sərxoş olduqlarından silahı əks tərəfə tuturlar. Silah boşalandan sonra birinin qolları, o birinin ayaqları yaralanır. Ağrı içində qıvrılan sərxoşlar qışqırırlar:

- Gör indi Xabarovsk nə günə düşüb!

***

Qadın ərinin dalınca pivəxanaya gəlir. Əri bağırır:

- Bu təhqiramizdir! Niyə sən həmişə bura qaçırsan. Bəyəm mən heç vaxt, məsələn, muzeydə ola bilmərəm?

• “Sənə demişəm axı, heç bir qızı layk eləmə!”
• İsmail Hacıoğlu bu filmə çəkilməkdən imtina etdi
• Azərbaycanın Əməkdar artisti Moskvada mükafat aldı