Mədəniyyət və Turizm Nazirliyi məqalə müsabiqəsi elan edib. Kulis.az-ın nazirliyin rəsmi saytına istinadən verdiyi xəbərə görə müsabiqənin məqsədi çövkən oyununu təbliğ etməkdir.

Məlumatda deyilir: “Xalqımızın köklü dəyərlərinin ayrılmaz hissəsi olan, Azərbaycan mədəniyyətini və mənəviyyatını əks etdirən milli xalq oyunumuz çövkən haqqında qələmə alınan yazıları dəyərləndirmək, bu oyunu təbliğ etmək, qələm sahiblərini bu istiqamətdə yazmağa həvəsləndirmək məqsədilə “Çövkən - qədim atüstü Qarabağ oyunu” mövzusunda ən yaxşı məqalələr müsabiqəsi elan edir.

Müəlliflər məqalələrini poçt, e-mail vasitəsi ilə ([email protected]) və ya şəxsən Mədəniyyət və Turizm Nazirliyinin Nəşriyyat, reklamın təşkili və informasiya şöbəsinə (Hökumət evi, 3-cü mərtəbə, 319-cu otaq) və “Mədəniyyət” qəzeti redaksiyasına (Moskva pr. Dövlət Film Fondu, 5-ci mərtəbə) təqdim edə bilərlər.
Ən yaxşı üç məqalə seçilərək birinci, ikinci və üçüncü yerlərə layiq görüləcəkdir.

Qaliblər üçün pul mükafatı və diplom nəzərdə tutulub.

Müsabiqəyə 2014-cü ilin dekabr ayının 1-də yekun vurulacaq, nəticələr barədə nazirliyin mətbu orqanları olan “Mədəniyyət” qəzeti, “Mədəni həyat” jurnalı və nazirliyin rəsmi saytında (mct.gov.az ) yerləşdiriləcək. Məqalələr Azərbaycan dilində yazılmalıdır.

• “Nizami: daxili aləm” filmi ilk dəfə mavi ekranda
• Rejissor: "Nə olsun, Axundov yazıb, müqəddəs mətn deyil ki?" - Müsahibə
• Ukraynada sökdülər Puşkinin heykəlini - Nadir Yalçının yeni şeirləri