Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” kinostudiyasında lentə alınan “Dərvişin qeydləri” bədii filminin geniş ictimaiyyətə təqdimatı 2 Avqust - Milli Kino Günündə gerçəkləşəcək. Bu barədə “Azərbaycanfilm” kinostudiyasının direktoru Müşfiq Hətəmov medeniyyet.az saytına məlumat verib. Yeni ekran əsərinin premyerası Nizami Kino Mərkəzində keçiriləcək.

Tanınmış rejissor, Xalq artisti Eldar Quliyevin quruluş verdiyi “Dərvişin qeydləri” filminin çəkilişləri 2012-ci ildə başlanmışdı. Kinolentin ssenari müəllifləri Eldar Quliyev və yazıçı İlqar Fəhmidir.Tarixi detektiv mövzuda olan filmdə xalq artistləri Fuad Poladov, Cəfər Namiq Kamal, əməkdar artistlər Şövqi Hüseynov, Pərviz Məmmədrzayev və başqaları rol alıblar. Filmin bəstəkarı Xalq artisti Siyavuş Kərimidir.

Kinematoqrafçıların peşə bayramı günündə Milli Kino Mükafatı da təqdim olunacaq. Azərbaycan Respublikası Kinematoqrafçılar İttifaqının təsis etdiyi mükafat bu il görkəmli aktyor, qocaman sənətkar, Xalq artisti Ələddin Abbasova təqdim ediləcək. Xatırladaq ki, ittifaqın ötən il təsis etdiyi Milli Kino Mükafatının ilk laureatı Xalq artisti Yaşar Nuri olmuşdu.

• Sənədli film layihəsinin qalibləri bəlli oldu
• “Farsca yazsan da, bu misralar türk ruhunu daşıyır” - Molla rejiminin ən çox qorxduğu azərbaycanlı kim idi?
• Tara həsr olunmuş ömür - Ariz Abduləliyev