70-ci Venetsiya festivalı başa çatıb. Kulis.az-ın gazeta.ru saytına istinadən verdiyi xəbərə görə baş mükafat-“Qızıl Şir” sənədli filmə Canfranko Rozzinin “Müqəddəs dairə” adlı sənədli filmə verilib. Tsay Min Lyanın “Avara itlər” filmi ikinci yerə, Qran Priyə layiq görülüb. Filip Qryoninqin “Polis arvadı” filmi jürinin xüsusi mükafatını qazanıb.

Festivalda olmuş rusiyalı kinoşünas Anton Dolinin yazdığına görə münsiflərin narazı ifadələri qalib filmin güzəştin nəticəsi olmasını deməyə imkan verib. “2013-cü ilin “Qızıl Şir”i kinoda heç bir üfüqlər açmadı, yeni istiqamətlər təyin etmədi. Bu o deməkdir ki, bədii kino azanda və ya dalana dirənəndə ağıllı tamaşaçı sənədli kino ilə təskinlik tapır. Realıq istənilən təxəyyüldən maraqlıdır. Canfranko Rozzinin sənədli filmi Romanın dairəvi avtonəqliyyat yolu haqqında səmimi bir kalamburdur”.

Münsiflər heyətinin rəhbəri, italyan klassiki Bernardo Bertoluççi Böyük İtalyan kinosunun tənəzzülünü müvəqqəti yolunu azma kimi qiymətləndirib. Saytın yazdığına görə, “...aşkar görünən isə mükafatın Rozziyə onun hansısa fövqəladə istedadına görə yox, bacarıqlı və çalışqan kinematoqrafçının filmində əbədi şəhərin koloritinin yarada bildiyinə görə verilib. Belə çıxır ki, Canfranko Felini kimi böyük italyan klassiklərinin edə bilmədiyini edə bilib”.

Mütəxəssislər bu filmin nə üçün Tsay Min Lyanın “Avara itlər”, Filip Qryoninqin “Polis arvadı”, Xayao Miyadzakenin “Külək güclənir” kimi daha görkəmli işlərdən daha üstün tutulduğunu anlaya bilməyib. Mütəxəssislər qiymətləndirmənin düzgün aparılmadığını söyləyib: tamaşaçının favoriti olan Stiven Frirzin “Filomena” filmi ən zəif cəhətinə görə-ən yaxşı ssenari nominasiyasında mükafatlandırılıb. “Xanım zorakılıq” filminin də festivalın iki mükafatını qazanması narazılıq doğurub. Ən yaxşı gənc aktyor nominasiyasında Marçelo Mastroyanni adına mükafatın qalibi 16 yaşlı Tay Şeridan olub. Onu tamaşaçılar Terrens Malikin “Həyat ağacı” filmindən tanıyırlar. Bu dəfə isə o mükafatı “Co” adlı amerika filmində Nikol Kidmanla tərəf-müqabili olaraq oynadığı rola görə alıb.

• 91 yaşlı rejissor sağalmaz xəstəlikdən əziyyət çəkir
• İçərişəhər COP29-da
• “Başqa bir iqlim növü” adlı sərginin açılışı oldu