Skripkaçımız Paris festivalında

Skripkaçımız Paris festivalında
29 mart 2018
# 10:19

Parisdə fəaliyyət göstərən Azərbaycan Mədəniyyət Mərkəzində 3-cü “Skripka baharı” festivalı çərçivəsində konsert təşkil olunub.

Konsertdən əvvəl təşkilatçılar Mədəniyyət Mərkəzi, eləcə də milli musiqimiz haqqında dinləyicilərə məlumat verib.

Festivalın bədii direktoru, tanınmış skripkaçı Anton Martınovun rəhbərliyi ilə keçirilən festivalda azərbaycanlı gənc skripkaçı Əzizə Salahova da iştirak edib.

Konsert gənc skripkaçı Əzizə Salahovanın ifasında Asəf Zeynallının fortepiano və skripka üçün yazılmış “Muğamsayağı” əsəri ilə başlayıb. Muğam ifaçılıq sənətinin tipik ünsürlərinin Qərb musiqi ənənələri ilə cilalaşdırıldığı bu əsərin ifası fransız musiqisevərləri heyran edib.

Gənc skripkaçı Nikkolo Paqanini, Jül Massne və Ernst Vilhelmin əsərlərini səsləndirib. Onu fortepianoda müəllimi Anton Martınov müşayiət edib.

Orta musiqi məktəbini Bakıda bitirən Əzizə Salahova Kazan Konservatoriyasından sonra Belçikanın Mons Kral Konservatoriyasında təhsilini davam etdirib. Hazırda o, həmin konservatoriyanın magistr pilləsində təhsil alır.

Ə.Salahova Azərbaycan Gənclər Simfonik Orkestri tərkibində və xaricdə təhsili müddətində Avropa və MDB ölkələrində konsert və festivallarda uğurla iştirak edib və tamaşaçılar tərəfindən rəğbətlə qarşılanıb.

Konsert tanınmış skripkaçı, dirijor və dünyada bir çox festivalların musiqi direktoru olmuş Mixail Qutmanın ifası ilə davam edib.

Qeyd edək ki, Azərbaycanın Fransadakı səfirliyi “Skripka baharı” festivalının tərəfdaşıdır. /azertag.az/

# 1442 dəfə oxunub

Oxşar xəbərlər

Freyd, “bakılı milləti” və “qazaxşina” - Bakıdakı gizli cəmiyyətin məqsədi nə idi?

Freyd, “bakılı milləti” və “qazaxşina” - Bakıdakı gizli cəmiyyətin məqsədi nə idi?

12:00 7 iyun 2025
Öpüşmək - Orhan Pamuk

Öpüşmək - Orhan Pamuk

09:00 7 iyun 2025
Əsirlikdən qaçan dahi - Ona niyə fotojurnalistikanın "ata"sı deyirdilər?

Əsirlikdən qaçan dahi - Ona niyə fotojurnalistikanın "ata"sı deyirdilər?

09:00 6 iyun 2025
Anka - Orxan Həsəninin yeni hekayəsi

Anka - Orxan Həsəninin yeni hekayəsi

16:21 3 iyun 2025
Mirzə Cəlil onunla puluna görə evlənmişdi? - Həmidə xanımın çap olunmayan məktubu

Mirzə Cəlil onunla puluna görə evlənmişdi? - Həmidə xanımın çap olunmayan məktubu

21:00 1 iyun 2025
Molla onun əlyazmalarını niyə oğurlamışdı? - Ədəbiyyatımızın kədərli dəqiqələri

Molla onun əlyazmalarını niyə oğurlamışdı? - Ədəbiyyatımızın kədərli dəqiqələri

09:00 30 may 2025
# # #