Aprelin 20-də Məşhur Kuba yazıçısı, mədəniyyət xadimi və inqilabçısı Alfredo Gevara vəfat edib. Kulis.Azın gazeta.ru saytına istinadən verdiyi məlumata görə yazıçı Havanada 88 yaşında infarktdan vəfat edib.

Bir həftə əvvəl xəstəxanaya yerləşdirilmiş yazıçını orada Kubanın Dövlət Şurasının rəhbəri Raul Kastro ziyarət edib. Alfredo Gevara hələ tələbəlik illərindən Kastro qardaşları ilə dostluq edirmiş. Yazıçı Fidel Kastronun Monkada kazarmasına hücumu zamanı da iştirak edib.

İnqilabın qələbəsindən sonra Gevara Mədəniyyət və Kino İnstitutunu yaradıb. 1975-ci ildə isə mədəniyyət nazirinin müavini vəzifəsinə təyin olunub.

Yazıçı 1985-ci ildə Qabriel Qarsiya Markeslə birlikdə Yeni Latın Amerikası Kinosu Fondunu yaradıb. Bir il sonra isə Havadan bir qədər kənarda beynəlxaql kino məktəbini təsis edib. O 10 ildən çox müddətdə Kubanın YUNESKO-da təmsilçisi olmuşdur. Alfredo Gevara bir sıra milli mükafat o cümlədən, Federiko Fellino mükafatı və Fəxri Legion Ordeni ilə təltif olunmuşduir. Ömürünün sonunda Havana Universitetdə fəlsəfədən mühazirələr oxuyur, kitab yazırdı.

Yazıçının vəsiyyətinə görə nəşi kremasiya olunduqdan sonra külü Havana Universitetinin əsas girişinə səpiləcək.

• 31-ci Beynəlxalq Adana Qızıl Qoza Film Festivalı başladı
• Günel Natiqin imza günü keçiriləcək
• Rus Dram Teatrının sentyabr repertuarı